Kvatery ŭ pieršym biełaruskim chmaračosie kupili pakul tolki 30 čałaviek
Rasijskaja kampanija «Itera» pačała budaŭnictva pieršaha biełaruskaha chmaračosa, «Vietrazia», jašče ŭ 2010 hodzie. Terminy zdačy doma nieadnarazova pieranosilisia, i žychary atrymali svaje kvatery tolki sioleta.
Vyšynia «Vietrazia» — 134 mietry razam sa špilem. Pavodle infarmacyi zabudoŭščyka, u domie 204 kvatery ŭ dvuch padjezdach.
Adnak raspradajecca žyllo niachutka, vialikaha popytu na kvatery niama. Jak stała viadoma «Našaj Nivie», nieruchomaść u elitnym domie kupili tolki… 30 čałaviek.
Jašče kala 50 kvater udałosia pradać kiprskim afšornym fondam.
Rešta pavisła miortvym hruzam na bałansie kampanij «IteraBiełBud» i «Minsk-Sici».
U minułym miesiacy «Itera» sutyknułasia z dadatkovymi prablemami. Ekanamičny sud Minska aryštavaŭ dźvie kvatery ŭ «Vietrazi».
Atrymać kamientar kampanii nie ŭdałosia, nivodzin telefon nie adkazvaje.
