Jaŭhien Pluščanka aficyjna zajaviŭ pra adnaŭleńnie karjery
Rasijski fihuryst Jaŭhien Pluščanka vyrašyŭ viarnucca ŭ vialiki sport i pryniać udzieł u Alimpijskich hulniach u 2018 hodzie.
sport.kazanfirst.ru
«Ciapier ja mahu skazać, što viartajusia ŭ sport. Pavoli pačynaju treniravacca i ŭ bližejšy čas vyjdu na spabornictvy», — zajaviŭ jon.
Pluščanka płanuje pryniać udzieł u etapach hran-pry vosieńniu 2015 hoda, patrapić u skład zbornaj na čempijanaty Jeŭropy i śvietu. «Asnoŭnaja meta — padrychtavacca da Alimpijskich hulniaŭ 2018 hoda», — adznačyŭ jon.
Da taho času Pluščanka spoŭnicca 35 hadoŭ. Na Alimpijskich hulniach 2014 u Sočy Pluščanka ŭ kamandnym turniry dapamoh zavajavać pieramohu Rasii, ale pierad prakatam adzinočnaj prahramy źniaŭsia sa spabornictvaŭ z-za traŭmy śpiny. Paśla hetaha spartsmien pieranios apieracyju ŭ adnoj z klinik Izraila.
