Na Dzień Voli masava vyjšła moładź ANŁAJN + FOTY
2000 čałaviek sabralisia na šeście 25 Sakavika — u dzień 97-j hadaviny abviaščeńnia niezaležnaści BNR. Čas byŭ pracoŭny, tamu bolšuju častku ŭdzielnikaŭ skłała moładź i starejšyja ludzi. Junaki aktyŭna skakali pad skandavańnie «Chto nie skača — toj maskal».
17:10
Patryjarch biełaruskaj humanitarystyki, doktar fiłałahičnych navuk Arsień Lis skazaŭ «Našaj Nivie», što jon uražany, kolki moładzi vyjšła na Dzień Voli, što ŭ jaho ad hetaha ślozy na vačach. Sapraŭdy, jon płakaŭ, hledziačy na tłum junakoŭ u parku Družby Narodaŭ.
Dziaŭčyna pryniesła z saboj kardonny maniekien, apranuty ŭ adzieńnie svajho siabra, kab vykazać pratest suprać niepavažlivaha da ludziej rašeńnia Minharvykankama pieranieści śviatkavańnie na pracoŭny čas.
Moładź masava śpiavaje «Nie być skotam», «»Try čarapachi». Hukajuć «Žyvie Biełaruś» i «Razam i nazaŭždy», a taksama «Słava Ukrainie! Hierojam słava!». Ludzi prynieśli niamała samarobnych płakataŭ.
17:01
Lidar Partyi BNF Alaksiej Janukievič vystupiŭ u parku Družby Narodaŭ. Jon skazaŭ, što arhanizatary vyrašyli skončyć akcyju šeściem. Mitynhu nie budzie, abvieściŭ jon, i prapanavaŭ praciahnuć śviatkavańnie Dnia Voli ŭ barach i kaviarniach Minska dy ŭ kole siabroŭ.
16:50
Kolkaść udzielnikaŭ šeścia vyrasła da 2 tys. čałaviek. Zaraz hałava kałony pierachodzić darohu ŭ kirunku płoščy Banhałor.
16:35
Na rahu vulicy Surhanava i Biady znachodzicca vialiki bieł-čyrvona-bieły ściah, prykładna paŭtara na try mietry.
Ź vializnym nacyjanalnym ściaham na vudzie idzie i viadomy šoŭmen Usievaład Ścieburaka.
16:33
Kałona pierajšła vulicu Kujbyšava, rešta idzie jašče kala vulicy Jakuba Kołasa.
16:32
Padčas pačatku akcyi la «Kastryčnika» stajali dva čałavieki ŭ bałakłavach i sa ściaham, choć milicyja, i ŭdzielniki Dnia Voli nastojliva patrabavali bałakłavy źniać. Padčas šeścia pa Surhanava chłopcy ŭ bałakłavach pabiehli ŭ dvary, za imi ludzi ŭ cyvilnym. Los chłopcaŭ u bałakłavach pakul nieviadomy.
Taksama prykmieta sioletniaha šeścia — za im masava nazirajuć prachožyja. Niama budynka, ź jakoha nie hladziać, stajać masava na hanku miedcentra «Nardzin», vitajuć.
Aktyvist ruchu «Za Svabodu» Mikita Siemianienka skazaŭ, što šeście skončycca ŭ McDonalds na płoščy Banhałor, ludzi buduć razychodzicca.
Ab pryčynach admieny mitynhu aktyvist adkazaŭ, što na žal, mnohija muzyki admovilisia ad udziełu ŭ kancercie, bo čas pracoŭny, i akramia taho, «ludziam nadakučyła słuchać pustyja pramovy».
Manifiestantaŭ ciopła vitajuć dzieci z dvuch pryparkavanych pobač aŭtobusaŭ. Chvilina bratańnia.
16:15
Pačatak kałony dajšoŭ da vulicy Jakuba Kołasa, chvost kala vulicy Kuźmy Čornaha. Ludzi skandujuć «Žyvie Biełaruś».
Mnoha bieł-čyrvona-biełych ściahoŭ, jość ściahi ES, šmatlikija ŭkrainskija ściahi i praŭkrainskija płakaty i navat adzin azierbajdžanski (supołka studentaŭ-azierbajdžancaŭ).
Siarod udzielnikaŭ šeścia bačym haściej z Hrodna, Voranaŭskaha rajona, Łuninieckaha rajona, Homiela.
Čytačy ŭ kamientarach paviedamlajuć, što nibyta ŭ Technałahičnym vykładčyki chodziać pa aŭdytoryjach i praviarajuć najaŭnaść studentaŭ.
16:13
Małady čałaviek z płakatam «Očniś» patłumačyŭ, što značyć jaho płakat, jon kaža, što heta zvarot da ŭsich, chto nie pryjšoŭ na akcyju, a vyšyvanku jon zrabiŭ sam, kupiŭšy stužački ŭ kramie.
Cytata z antyvajennaj pieśni hurtu Brutto Siarhieja Michałka, «Sdiełał tri podchoda, čietviertyj za Harri, Harri sčas v pochodie, viernietsia jedva li», fota z fejsbuka Alaksieja Minčonka.
15:59
Pačałosia šeście. Jano raściahnułasia ad vulicy Surhanava da kinateatra «Kastryčnik». Biare ŭdzieł užo, pa roznych padlikach, kala 1 000 — 1 500 čałaviek.
Pravakataraŭ pakul niašmat, jany arhumientujuć svajo tym, što, tak, my za niezaležnuju Biełaruś, ale pry čym tut Jeŭropa? Adzin z pravakataraŭ padjechaŭ na rovary, inšy — typovy kačok.
15:48
Navinka masavych akcyj u Biełarusi: skandujuć ukrainskuju kryčałku «Chto nie skača, toj maskal», i ŭsio heta supravadžajecca masavymi skokami. Moładzi heta vielmi daspadoby.
Udzielnikaŭ užo bolš za 800 čałaviek.
15:46
Biełarus ź Irkucka Aleh Rudakoŭ trymaje płakat: «Biełaruskaja mova — adzinaja dziaržaŭnaja». Inšy čałaviek u vyšyvancy trymaje płakat «Očniś».
Fota Siamiona Piečanko.
15:37
fota Siarhieja Hudzilina
15:27
Narod pačaŭ skandavać «Žyvie Biełaruś» i «Słava Ukrainie», u adkaz hukajuć «Hierojam słava».
Sabrałasia ŭžo kala 400 čałaviek, asnoŭnaja častka staić kala kinateatra «Kastryčnik».
15:16
Tvaram da praśpiekta trymajuć raściažku «Rasija — heta vajna».
Ruch «Za svabodu» taksama razdavaŭ bieł-čyrvona-biełyja ściahi.
15:00
Kala Akademii navuk užo sabrałasia kala 200 čałaviek.
Prysutnym razdajuć brašury, dzie vydrukavanyja teksty piaci piesień: «Hraj» Siarhieja Michałka, «Pahonia» Bahdanoviča, «Naš ściah» (vierš U. Niaklajeva, muzyka Z. Vajciuškieviča), «Nie być skotam» (Ja. Kupały, S. Michałka), «My vyjdziem ščylnymi radami» (M. Kraŭcova, U. Teraŭskaha).
Tvaram da darohi stajać ludzi z raściažkami: «Za našu i vašu svabodu», «Biełaruś — u Jeŭropu», «My — jeŭrapiejcy», «Hodzie mleć u paniaviercy, hej, da sonca, hej da zor» (cytata z Kupały vykananaja ŭ žoŭta-sinich kolerach), jość taksama vialiki płakat z partretami palitviaźniaŭ.
Z palitykaŭ prysutničajuć Alaksiej Janukievič, Ryhor Kastusioŭ, Ihar Lalkoŭ (partyja BNF), Vital Rymašeŭski (BCHD), Juraś Hubarevič (Ruch «Za svabodu»), pravaabaronca Aleś Bialacki, piśmieńnik Uładzimir Arłoŭ, teatralny režysior Valeryj Mazynski.
Mnoha bieł-čyrvona-biełych ściahoŭ, ściahoŭ ES, adzin ukrainski ściah.
Na prylehłych vulicach stajać mašyny ź siłavikami: MAZy, aŭtazaki.
* * *
Zbor udzielnikaŭ kala kinateatra «Kastryčnik» (st. mietro «Akademija navuk») dazvoleny z 15.00 da 16.00, šeście — z 16.00 da 17.00, mitynh u parku Družby Narodaŭ — z 17.00 da 18.00.
Nahadajem, što zajaŭniki padavali na šeście z 17:00 da 20:00 (siońnia — budni dzień), ale čynoŭniki Minharvykankama ssunuli ramki akcyi na dźvie hadziny raniej.
Svajo rašeńnie jany patłumačyli tym, što vuličnaje šeście ŭ hadzinu pik nibyta stvaraje šmat niazručnaściaŭ minčanam, jakija viartajucca z pracy.
Asnoŭny deviz śviatkavańnia Dnia Voli ŭ hetym hodzie — «Za mir i niezaležnaść». Jaho temy — niezaležnaść Biełarusi, salidarnaść z Ukrainaj, a taksama pratest suprać antydemakratyčnaj palityki biełaruskich uładaŭ.
