Łukašenku niepakoić Minpram
Alaksandr Łukašenka zaniepakojeny situacyjaj na pradpryjemstvach Ministerstva pramysłovaści.
BiełTA
Ab hetym kiraŭnik dziaržavy zajaviŭ pierad dakładam ministra pramysłovaści Vitala Voŭka pra situacyju ŭ halinie, najaŭnych prablemach i šlachach ich vyrašeńnia.
Kiraŭnik dziaržavy adznačyŭ, što z usich halin, u jakich skłałasia niespryjalnaja situacyja, jaho bolš za ŭsio turbuje Minpram. Pradpryjemstvy hetaha viedamstva, pavodle słoŭ Alaksandra Łukašenki, zajmajuć 5-ju častku ŭsioj pramysłovaj vytvorčaści Biełarusi, bolš za pałovu pradukcyi nakiroŭvajecca na ekspart.
«Pry hetym u apošni čas hetyja pradpryjemstvy surjozna adstajuć i ciahnuć uniz ŭsiu biełaruskuju ekanomiku», — kanstatavaŭ kiraŭnik dziaržavy.
Łukašenka nahadaŭ, što na naradzie pa aktualnych pytańniach sacyjalna-ekanamičnaha raźvićcia adbyłasia pryncypovaja razmovu pra sučasnyja tendencyi raźvićcia ekanomiki.
«My damaŭlalisia ab tym, što ŭsiakaha rodu kabinietnuju vałakitu, zališnija ŭzhadnieńni my vyklučyli, budziem prymać nieabchodnyja rašeńni i zabiaśpiečvać ich vykanańnie», — skazaŭ jon. Tady ž była dasiahnutaja damoŭlenaść, što ministr pramysłovaści i inšyja členy ŭrada, adkaznyja za hetuju śfieru, u liku pieršych paviedamiać ab tym, jak vyrašajucca pytańni, vykonvajucca daručeńni.
Kiraŭnik dziaržavy zapatrabavaŭ, kab ministr pramysłovaści paviedamiŭ padčas narady ab svaim bačańni prablem u haliny i ab tym, što robicca dla taho, kab vyjści na narmalnuju pracu.
«Jašče raz chaču padkreślić: u hetym hodzie ja nie patrabuju ad urada, kab byŭ zabiaśpiečany praryŭ, byŭ dziki pryrost pradukcyi. Prosta, zrazumieła było skazana: nie pahoršyć situacyju. Tym nie mienš, pa vynikach studzienia jana nie palepšyłasia», - źviarnuŭ uvahu Alaksandr Łukašenka.