Pavieł Sieviaryniec: Dziesiać praviłaŭ, jakija adrodziać Biełaruś
Praviła 1. My lubim Biełaruś takoj, jakaja jana jość.
Ale my lubim jaje nastolki mocna, što nia možam pakinuć jaje takoj, jakaja jana jość.
Praviła 2. Vartaść čałavieka vymiarajecca nia tym, čym jon vałodaje, a tym, kolki jon addaje.
Sapraŭdny biełarus — addaje.
Praviła 3. Biełarusy — ludzi hłybokija.
Heta rasiejcy šyrokija dušy ( «…ia b zvuziŭ», pisaŭ naščadak lićvinskaj šlachty Dastajeŭski ), dyj ukraincy z palakami - narody z razmacham. A voś nam Boh daŭ hladzieć nie ŭ dalačyni, a ŭ hłybiniu j vyšyniu.
Tamu ź biełarusami treba hłybiej.
Praviła 4. Kali pilna pryhledziecca da Biełarusi dy biełarusa — uva ŭnutranym śviatle pačynaješ paznavać vobraz i padabienstva Božaje.
«Na Biełarusi Boh žyvie!» — pisaŭ Karatkievič.
A Božaje — pryhožaje.
Praviła 5. Kali čałavieka budziać, u pieršy momant pryjemnaha mała. Dla biełarusaŭ adradžeńnie čaściakom aznačaje bol.
I hłybiej — soram.
Praviła 6. Časam ź biełarusami ciažka.
Jak Vaładarstva Niabiosnaje vysiłkami dasiahajecca, tak i biełaruskaje adradžeńnie - žnivo vialikaje, pracaŭnikoŭ mała.
Zdavałasia b, Biełaruś takaja pavietranaja, pryvidnaja, tumannaja…
Ale padymać jaje — och i nialohka.
Praviła 7. U Biełarusi mała siłaŭ i vielmi mała času.
Zastałosia tolki na karotki j adčajny šturm abyjakavych, ahrubiełych i zranienych sercaŭ. Bicie ŭ sercy ich!..
Praviła 8. Biaź viery Biełaruś pamiraje.
Viera — adzinaja forma žyćcia dla krainy, jakaja tysiaču hadoŭ maliłasia, lubiła vorahaŭ i addavała siabie na kryž.
Vierym, možam, pieramožam!
Praviła 9. Biełarusy — redki narod, u movie jakoha «vola» aznačaje adnačasova i svabodu, i rašučaść.
«Chto nia lubić voli — nia našaha rodu», — kazaŭ Kupała.
Volnuju Biełaruś daje tolki spłaŭ čałaviečaj voli i Voli Božaj.
Praviła 10. Adradžeńnie jość viartańniem biełarusa da vobrazu i padabienstva Božaha.
Bolšaść našych nacyjanalnych hierojaŭ — chryścijanie. Biełaruskaja historyja napojenaja evanhielskim śviatłom.
Bo biełaruskaja nacyjanalnaja ideja — heta Isus Chrystos, Jaki havoryć pa-biełarusku.
