Źmiena viechaŭ u ukrainskim pravasłaŭi
Kali my tut spračalisia pra nacyjanalnuju, aŭtakiefalnuju i pamiesnuju carkvu, nieadnarazova hučali vykazvańni, što z boku Maskoŭskaha Patryjarchatu ničoha nie dačakacca, što treba “mieć svaju carkvu” i h. d. Pry hetym było ciažka zrazumieć, adkul voźmiecca hetaja “svaja carkva”. Moža z Turcyi patryjarch Varfałamiej “sapraŭdnych” biełaruskich baciuškaŭ pryšle, ci jak?
Kali my tut spračalisia pra nacyjanalnuju, aŭtakiefalnuju i pamiesnuju carkvu, nieadnarazova hučali vykazvańni, što z boku Maskoŭskaha Patryjarchatu ničoha nie dačakacca, što treba “mieć svaju carkvu” i h. d. Pry hetym było ciažka zrazumieć, adkul voźmiecca hetaja “svaja carkva”. Moža z Turcyi patryjarch Varfałamiej “sapraŭdnych” biełaruskich baciuškaŭ pryšle, ci jak?
Dyk voś cikava, ja dumaju, budzie šmat kamu daviedacca, jak davoli niečakana razhortvajucca apošni čas padziei ŭ Ukrainskaj Pravasłaŭnaj Carkvie Maskoŭskaha Patryjarchatu. Nazvać hetuju strukturu bolš “liberalnaj”, čym, naprykład, Biełaruski Ekzarchat, było b zanadta. Ale pry ŭsim hetym raptam pačalisia jaŭnyja źmieny.
U śniežni minułaha hoda byŭ sabrany Archirejski Sabor, jaki,jak adznačyli navat apanenty, šmat što zrabiŭ upieršyniu.
Upieršyniu byŭ pryniaty dla razhladu na sabory zvarot da UPC MP z boku Kijeŭskaha patryjarchatu. I navohuł vykazvalisia takija mierkavańni, što varožaść navat da raskolnikaŭ supiarečyć zapavietam Isusa Chrysta, a tamu treba šukać zhodu.
Upieršyniu episkapy UPC MP zajavili, što Carkva nia moža vykarystoŭvacca ŭ jakaści palityčnaha instrumenta. I navohuł Carkva pavinna žyć svaim niezaležnym ad sympatyj čynoŭnikaŭ žyćciom.
Ale samaje niečakanaje i znakavaje – heta źmieny ŭ dačynieńni tak zvanaha “Sojuza pravosłavnych hraždan”, jaki maje imperskuju šavinistyčnuju nakiravanaść i raniej karystaŭsia sympatyjami carkoŭnaha kiraŭnictva,, a jahony staršynia Valeryj Kauraŭ niadaŭna atrymaŭ orden ad maskoŭskaha patryjarcha. I voś zaraz jahonaja dziejnaść ukrainskim saboram prama nazvana škodnaj i antycarkoŭnaj.
I samaje hałoŭnaje. Było vyrašana sabrać letam hetaha hoda sabor nia tolki episkapaŭ, ale sumiesna ź śviatarstvam i miranami. Užo zaraz hety sabor šmat chto adkryta nazyvaje Pamiesnym – saboram pamiesnaj, a h. zn. samastojnaj, carkvy. Takim čynam UPC MP stanovicca bolš niezaležnaj i bolš ukrainskaj.
Zrazumieła, nie tak usio adnaznačna. Zastajecca jašče i šmat staroha, niechta rašuča vystupaje navohuł suprać takich źmienaŭ, jak, naprykład, častka śviataroŭ adeskaj eparchii, jakija navat adkryta vystupili suprać novaha episkapa Alaksandra (Drabinki), jaki ličycca “hałoŭnym ideolaham kananičnaj aŭtakiefalii” ukrainskaj carkvy.
Ale hałoŭnaje, što my bačym na hetym prykładzie, tak heta toje, što Carkva pry lubym raskładzie zachoŭvaje zdolnaść da žyćcia, tamu što hetaje žyćcio daje joj Boh.
