«Barysaŭ-Arena» pretenduje na mižnarodnaje zvańnie «Stadyjon hoda»
«Barysaŭ-Arena». Fota Tomaša Hreharyca.
Sajt StadiumDB, pryśviečany spartovym stadyjonam i arenam, naminavaŭ biełaruski stadyjon «Barysaŭ-Arena» na zvańnie «Stadyjon hoda».
Stadyjon hoda — heta štohadovy konkurs, jaki ładzić sajt StadiumDB. Na prava zvacca ctadyjonam hoda pretendujuć zbudavańni, uviedzienyja ŭ ekspłuatacyju ŭ 2014 hodzie.
Kožny naminavany stadyjon moža atrymać dva pryzy.
Pa-pieršaje, heta pryz kampietentnaha žury, jakoje składajecca z Boba van Biebiera (architektara stadyjona Soccer City u PAR, miesca finała Kubka śvietu — 2010), Majka Beła (architektara stadyjona Mbombela u PAR), Džona Boncinka (Ghelamco Arena ŭ Bielhii), Bruna Kampasa (stadyjon Mineirao), Brajana Ro (stadyjon Aviva ŭ Dublinie) i rumynskaha architektara Šerbana Cihanaša (Dico si Tiganas).
Taksama stadyjon moža atrymać pryz hladackich simpatyj. Luby maje prava prahałasavać za piać samych cikavych stadyjonaŭ na staroncy konkursa.
«Barysaŭ-Arena» — pieršy biełaruski stadyjon, jaki naminujecca na zvańnie «Stadyjon hoda».
Jon byŭ sprajektavany słavienskaj kampanijaj OFIS Arhitekti i staŭ chatnim stadyjonam kłuba BATE. «Barysaŭ-Arena» źmiaščaje 13 tysiač čałaviek.
Usiaho ŭ spabornictvie ŭdzielničajuć 32 stadyjony z usiaho śvietu.
