Staŭki transpartnaj dziaržpošliny vyrastuć
U Biełarusi płanujecca pavialičyć pamier dziaržaŭnaj pošliny za vydaču dazvołu na dopusk transpartnych srodkaŭ da ŭdziełu ŭ darožnym ruchu. Heta praduhledžana papraŭkami ŭ Padatkovy kodeks.
Dla ŭładalnikaŭ lehkavych aŭtamabilaŭ dziaržpošlinu płanujecca pavysić u siarednim na adnu bazavuju vieličyniu (1 BV ciapier składaje Br150 tys.). Tak, za lehkavuški masaj bolš jak 1,5 t, ale nie bolš jak 2 t, mahčyma, daviadziecca płacić šeść bazavych, a nie piać, jak ciapier. Za aŭtamabil masaj bolš jak 2 t, ale nie bolš jak 3 t — vosiem bazavych vieličyń zamiest ciapierašnich siami, masaj bolš jak 3 t — 11 BV (ciapier 10 bazavych). Pavialičyć dziaržpošlinu płanujecca i za pryčepy, hruzavyja aŭtamabili i h.d.
Što datyčycca arhanizacyj, to im, zhodna z zakonaprajektam, u nastupnym hodzie treba budzie płacić u siarednim na 2 bazavyja vieličyni bolš za dopusk da ŭdziełu ŭ ruchu transpartnych srodkaŭ.
Akramia taho, prajekt zakona praduhledžvaje skaračeńnie transpartnaj dziaržpošliny dla piensijanieraŭ pa ŭzroście, invalidaŭ I abo II hrupy, pry najaŭnaści miedycynskaj daviedki ab stanie zdaroŭja, što paćviardžaje ich pryhodnaść da kiravańnia transpartnymi srodkami (za vyklučeńniem vypadkaŭ, pry jakich praduhledžana ich poŭnaje vyzvaleńnie ad dziaržaŭnaj pošliny za vydaču dazvołu na dopusk transpartnaha srodku da ŭdziełu ŭ darožnym ruchu). Dziaržaŭnaja pošlina dla ich vypłačvajecca pa staŭcy, źnižanaj na kaeficyjent 0,5, adnosna transpartnaha srodku.
Deputaty Pałaty pradstaŭnikoŭ u bližejšy čas płanujuć razhledzieć prajekt zakona ŭ pieršym čytańni.
