U dźviuch ruskich škołach Vilni prachodziać vobšuki
Supracoŭniki pravaachovy Litvy pravodziać pieratrus u staličnaj himnazii imia Vasilija Kačałava i siaredniaj škole imia Sofji Kavaleŭskaj.
Pieratrusy pravodziacca ŭ ramkach rasśledavańnia arhanizacyi pajezdak vučniaŭ hetych škoł u vajenizavanyja łahiery ŭ Rasii.
Hałoŭny prakuror Vilenskaj akruhovaj prakuratury Ramucis Janciavičus skazaŭ, padazreńni pakul nikomu nie pradjaŭlenyja, zatrymanych taksama niama. Pa słovach prakurora, praviadzieńniu ŭrokaŭ u škołach pieratrusy nie pieraškodzili.
Pradstaŭnik Departamienta dziaržbiaśpieki Litvy skazaŭ, kamientaroŭ na hetuju temu nie budzie.
Himnazija imia Kačałava i siaredniaja škoła imia Sofji Kavaleŭskaj patrapili ŭ pole zroku pravaachoŭnych orhanaŭ paśla źjaŭleńnia infarmacyi ab tym, što školniki hetych adukacyjnych ustanoŭ jeździać u arhanizujucca Rasijaj vajenizavanyja łahiery.
Hienprakuratura ŭ kastryčniku pačała dasudovaje rasśledavańnie adnosna mahčymaha akazańnia dapamohi inšaj dziaržavie, što dziejničaje suprać Litoŭskaj Respubliki.
