Administracyja «Minsk-Areny» patłumačyła, čamu zabirali ŭkrainskija ściahi na kancercie «Okieana Jelzi»
Administracyja «Minsk-Areny» prakamientavała situacyju z kanfiskacyjaj ŭkrainskich ściahoŭ padčas kancerta ŭkrainskaha rok-hurta «Okiean Jelzi».
Jubilejny kancert prajšoŭ ŭviečary 21 listapada i supaŭ z uhodkami padziej na Majdanie ŭ Kijevie, jakija adznačalisia va Ukrainie. Niekatoryja prychilniki hurta nieśli na kancert dziaržaŭnyja ściahi i inšuju simvoliku Ukrainy, jakuju jašče na ŭvachodzie ŭ budynak zabirali bajcy AMAPu. Incydenty praciahvalisia i ŭ samoj «Minsk-Arenie», kudy niekatorym hledačam udałosia pranieści ściahi.
Namieśnik hienieralnaha dyrektara spartkompleksa «Minsk-Arena» Mikałaj Sierhijenka zajaviŭ, što ŭ ich zabaroniena praviadzieńnie mitynhaŭ ci manifiestacyj: «Kali b u hledačoŭ byli ściahi inšych dziaržavaŭ, mahli b adbycca roznyja palityčnyja akcyi». Ale ściahi achova prapanoŭvała zdać u kamieru zachoŭvańnia, kaža Sierhijenka.
Vyśvietliłasia, što administracyja «Minsk-Areny» ŭzhadniała z ukrainskim hurtom, kab jany «nie śpiavali peŭnyja pieśni». I rabiłasia heta, kab «nie nahniatać» situacyju ŭ zale, zajaviŭ namieśnik hiendyrektara spartkompleksa.
Rašeńnie nie dapuskać źjaŭleńnia ściahoŭ na «Minsk-Arenie» było pryniata ŭpraŭleńniem unutranych spraŭ Minharvykankama.