Pad Pinskam pastavili kryž u honar paŭstancaŭ Kalinoŭskaha FOTA
Nieviadomyja pastavili kryž na miescy pachavańnia ŭdzielnikaŭ vyzvolnaha paŭstańnia 1863-64 hadoŭ u vioscy Bakiničy.
Paŭstancy zahinuli letam 1863 padčas rejdu pa Paleśsi Ramualda Traŭhuta.
Raniej kryž byŭ draŭlany, jość navat fotazdymak, zrobleny ŭ pačatku 20-ha stahodździa, ale ŭ 1944 hodu ŭsiu viosku źniščyli nacysty. Pra heta raspaviadaje pinski krajaznaŭca Edvard Złobin.
- U 1944 hodzie jaje całkam spalili i zaraz struktura vulic zusim źmianiłasia, ale zastałosia miesca, dzie raźmiaščalisia radavyja mohiłki, dzie kaliści stajała kaplica. Pobač na hetych ža mohiłkach, jość taki stary fotazdymak, była mahiła paŭstancaŭ. U hetym hodzie na radavych mohiłkach, dzie znachodzilisia pachavańni paŭstancaŭ 1863 hoda, inicyjatyŭnaja hrupa pastaviła vialiki mietaličny kryž, — raspavioŭ jon.
Pa słovach miascovych žycharoŭ, kryž pastaviła hrupa nieviadomych ludziej jašče ŭ žniŭni. Jany nie pradstaŭlalisia, ŭsio zrabili chutka, a miesca pachavańnia viedali dakładna.
