Staŭka PDV u 2015 pavyšacca nie budzie
Zapeŭniŭ premjer Miaśnikovič.
Prahnoznyja dakumienty, uniesienyja na razhlad prezidenta, nie praduhledžvajuć pavieličeńnia staŭki padatku na dadatkovuju vartaść u 2015 hodzie, paviedamiŭ 10 listapada premjer-ministr Michaił Miaśnikovič, vystupajučy ŭ pałacie pradstaŭnikoŭ.
Jon nahadaŭ, što padčas raspracoŭki prahnoznych dakumientaŭ atrymała šyroki rezanans pytańnie ab mahčymym pavieličeńni staŭki padatku na dadatkovuju vartaść.
«Aktyŭna dyskusavałasia pytańnie ab źmienie stavak PDV (z 18 da 20%. — BiełaPAN.) i padatku na prybytak z 18 da 15%. Kali b hetyja rašeńni byli pryniatyja, heta palepšyła b stan płaciežnaha bałansu i sadziejničała skaračeńniu impartu»,
— skazaŭ Miaśnikovič.
Akramia taho, miarkuje jon, źnižeńnie staŭki padatku na prybytak «vitałasia b nacyjanalnymi i zamiežnymi inviestarami». Razam z tym, dadaŭ premjer, u pramysłoŭcaŭ vyklikaŭ zaniepakojenaść toj fakt, što rost staŭki PDV moh by pavialičyć patrebu pradpryjemstvaŭ u abarotnych srodkach.
«Dakumienty, uniesienyja kiraŭniku dziaržavy, nie praduhledžvajuć pavieličeńnia staŭki padatku na dadadzieny košt, bo kansiensus pa hetym pytańni nie byŭ dasiahnuty»,
— dadaŭ Miaśnikovič.