«Ja zaraz vas budu pazbaŭlać zdaroŭja»: na adyjoznaha deputata Miłonava napali ŭ Pieciarburhu
Na deputata zakanadaŭčaha schodu Sankt-Pieciarburha Vitala Miłonava napali ŭ centry horada. U zavułku Antonienki da Miłonava i jaho pamočnika padyšoŭ małady čałaviek, źniaŭ kurtku i sa słovami «ciapier ja vas budu pazbaŭlać zdaroŭja» pačaŭ dušyć deputata. Na dapamohu padaśpieŭ narad.
«Tak, małady čałaviek pasprabavaŭ zrabić peŭnyja dziejańni ŭ moj bok, ale hnutkaje cieła było pierachoplena stalovaj rukoj», skazaŭ Miłonaŭ.
Pa słovach Miłonava, pahrozu jon realna nie ŭsprymaŭ: «Nas było troje mužykoŭ dužaj kamplekcyi, a jon chudzieńki. Mahli i pa łbie jamu dać, ale heta było b niapravilna. Mnie zdajecca, jaho dušeŭny stan nie ŭ poŭnym paradku».
Pa dadzienych palicyi, 20-hadovy małady čałaviek dastaŭleny ŭ adździaleńnie. Składzieny pratakoł ab administracyjnym pravaparušeńni pa artykule «Drobnaje chulihanstva».
Depupat Miłonaŭ viadomy svaimi dziŭnymi inicyjatyvami. U lutym 2014 h. jon prapanavaŭ zabaranić kancerty ŭkrainskaha hurtu «Okiean Jelzi» (u vyniku kancerty ŭ Rasii byli admienieny), a niekalki dzion tamu prapanavaŭ zabaranić ujezd u Rasiju kiraŭniku kampanii Apple Cimu Kuku, bo toj hiej i niasie tym samym niebiaśpieku rasijanam.