U pieršuju dziasiatku Błoka Piatra Parašenki ŭvojduć lehiendy hramadzianskaj supolnaści Ukrainy
Zorki ŭkrainskaj niezaležnaj žurnalistyki Siarhiej Leščanka (źleva) i Mustafa Najem (sprava), a taksama zasnavalnica ruchu za prazrystaść vybaraŭ «Česna» aktyvistka Śviatłany Zališčuk pahadzilisia ŭvajści ŭ prezidencki vybarčy śpis.
Śpis kandydataŭ na parłamienckija vybary ad «Błoka Piatra Parašenki» ŭznačaliŭ mer Kijeva, čempijon-baksior Vital Kličko.
Pra heta stała viadoma na źjeździe Błoka 14 vieraśnia ŭ Kijevie.
«Ukraina siońnia, jak nikoli, maje patrebu ŭ nacyjanalnym adzinstvie i kansalidacyi. Tamu ja pahadziŭsia ŭznačalić abjadnany śpis Błoka Parašenki», — cytuje jahonyja słovy «Ukrainskaja praŭda».
U pieršuju dziasiatku ŭvojduć taksama były ministr unutranych spraŭ, a paśla palitviazień Juryj Łucenka, doktarka Volha Bahamolec, vice-premjer Uładzimir Hrojsman i lidar krymskich tataraŭ Mustafa Džemileŭ. Akramia taho, ŭ viersie śpisa prysutničajuć vajskoviec Julij Mamčur, jaki pa-hierojsku pavioŭ siabie ŭ časie anieksii Kryma, i piśmieńnica Maryja Macios.
Siensacyjaj stała prysutnaść u śpisie viadučych ukrainskich niezaležnych žurnalistaŭ Mustafy Najema i Siarhieja Leščanki, a taksama zasnavalnicy ruchu za prazrystaść vybaraŭ «Česna» aktyvistki Śviatłany Zališčuk.
Kaardynatar Błoka Juryj Łucenka zajaviŭ, što jany hatovy ŭzhadniać kandydataŭ pa mažarytarnych akruhach z palityčna blizkimi siłami.
