Hieraščanka: Rasijskija vojski raspačali apieracyju ŭ Danbasie na Dzień niezaležnaści Ukrainy
Piatro Parašenka z aficerami Hienštaba.
Uvarvańnie rasiejskich vojskaŭ pačałosia nie ŭ Novaazoŭsku 27 žniŭnia, a na Savur-Mahile i ŭ Amvrosijeŭcy 24 žniŭnia. Pra heta zajaviŭ daradca ministra ŭnutranych spraŭ Ukrainy Anton Hieraščanka ŭ efiry Piataha telekanała ŭ paniadziełak uviečary.
«Trahiedyja ŭ nas nie tolki pad Iłavajskam. Trahiedyja pačałasia z taho, što rasijskija vojski ranicaj 24 žniŭnia akružyli našu hrupoŭku i razhramili pad Savur-Mahiłaj i Amvrosijeŭkaj», — paviedamiŭ Hieraščanka.
Jon padkreśliŭ, što ŭkraincy nie da kanca viedajuć, što tam adbyłosia.
«Navat ja nie da kanca viedaju, jak i što tam było, ale ja viedaju, što było šmat paranienych, zabitych i kinutaj bajavoj techniki», — rastłumačyŭ jon.
Pavodle jahonych słovaŭ, prablema paŭstała z-za nieadekvatnaj i zapoźnienaj reakcyi ŭładaŭ na padziei pad Savur-Mahiłaj i Amvrosijeŭkaj.
«Heta była adkrytaja ahresija. Pryjšli uzbrojenyja da zuboŭ Razanskaja, Kastramskaja pavietrana-desantnyja dyvizii z poŭnym bojekamplektam i napali na našych chłopcaŭ, jakija tam byli ŭžo miesiacami, jakija stamilisia, u jakich skančalisia bojekamplekty», — skazaŭ na zakančeńnie Hieraščanka.
