Łukašenka abmierkavaŭ z Pucinym i Nazarbajevym pytańni ŭzajemaadnosin z Ukrainaj
19 žniŭnia adbylisia telefonnyja razmovy Alaksandra Łukašenki z prezidentami Rasii i Kazachstana.
«Kiraŭniki dziaržaŭ praviali kansultacyi pa pytańniach uzajemaadnosin z Ukrainaj u suviazi z padpisańniem joju Pahadnieńnia ab asacyjacyi ź Jeŭrapiejskim sajuzam, pa situacyi va Ukrainie ŭ cełym i mierach pa narmalizacyi stanovišča ŭ hetaj krainie», — paviedamlaje pres-słužba kiraŭnika biełaruskaj dziaržavy.
Raniej pres-słužba biełaruskaha kiraŭnika paćvierdziła płany ab praviadzieńni 26 žniŭnia ŭ Minsku sustrečy prezidentaŭ Biełarusi, Kazachstana, Rasii i Ukrainy z udziełam pradstaŭnikoŭ Jeŭrasajuza.
19 žniŭnia taksama adbyłasia telefonnaja razmova Alaksandra Łukašenki z prezidentam Ukrainy Piatrom Parašenkam.
«Kiraŭniki dziaržaŭ abmierkavali šyrokaje koła pytańniaŭ biełaruska-ŭkrainskich adnosin. Surjoznaja ŭvaha była nadadziena situacyi va Ukrainie», - havorycca ŭ paviedamleńni pres-słužby biełaruskaha kiraŭnika.
Adznačajecca taksama, što rašeńnie ab sustrečy 26 žniŭnia pryniata «pa vynikach kansultacyj kiraŭnikoŭ dziaržaŭ Mytnaha sajuza i Ukrainy, jakija prachodzili na praciahu apošnich niekalkich tydniaŭ».
