Terarysty akapalisia ŭ vialikich haradach Danbasa
Bajeviki sprabujuć paźbiehnuć akružeńnia siłami ATA ŭ rajonach haradoŭ Pieršamajsk, Stachanaŭ, Ałčaŭsk i Łuhansk.
Pra heta paviedamlaje na svajoj staroncy ŭ Facebook pres-centr ATA: «Z metaj dyskredytacyi sił ATA, terarysty abstrelvajuć horad Łuhansk, pry hetym pierakładvajuć vinu za razbureńnie infrastruktury horada na siły ATA.
U cełym abstanoŭka charaktaryzujecca sprobami bajevikoŭ ŭtrymać padkantrolnyja nasielenyja punkty, u pryvatnaści, Danieck i Horłaŭka.
Asnoŭnymi vuzłami abarony marhinałaŭ zastajucca harady Horłaŭka, Jasinavataja, Danieck i Makiejeŭka».
Pavodle dadzienych vyviedki, terarysty panična sprabujuć spynić nastup sił ATA. Dla hetaha ŭ horad Śviardłoŭsk ažyćciaŭlajecca nazapašvańnie sił i srodkaŭ dla dalejšaha pierakidu ich u napramku haradoŭ Śniežnaje, Tarez i Rovieńki. Paviedamlajecca, što siońnia byŭ ažyćcioŭleny minamiotny abstreł błokpasta i pazicyj ŭkrainskich piachotnikaŭ niedaloka ad nasielenaha punkta Alaksandraŭka. Strat niama.
Praciahvajecca artyleryjska-minamiotny abstreł pazicyj sił ATA z terytoryi Rasijskaj Fiederacyi.
U pryvatnaści, adbyŭsia artyleryjski abstreł punkta propusku Daŭžanski i pazicyj piachotnikaŭ, jakija znachodziacca pablizu hetaha punkta.