Kirył molicca ab niedapuščeńni «vialikaj vajny»
Iznoŭ usio zvodzicca da «mižusobnaj brani» i «histaryčnaj Rusi».
Patryjarch Maskoŭski i ŭsiaje Rusi Kirył (Hundziajeŭ) u śviata źjaŭleńnia abraza Najśviaciejšaj Baharodzicy ŭ Kazani, zaklikaŭ viernikaŭ «asabliva mocna malicca pra pieraadoleńnie niebiaśpieki ŭźniknieńnia vialikaj vajny», paviedamlaje RIA Novosti.
«Siońnia, u taki niaprosty čas, kali z roznych bakoŭ niasucca čutki ab vajennych dziejańniach, kali jość niebiaśpieka ŭźniknieńnia vialikaj vajny, kali mnohija ludzi, uspaminajučy pra toje, što roŭna sto hadoŭ tamu pačałasia pieršaja suśvietnaja vajna, z asablivaj tryvohaj staviacca da taho, što siońnia adbyvajecca na rubiažach našaj baćkaŭščyny, mienavita ŭ hety čas davajcie ŭsie razam malicca Najśviaciejšaj Baharodzicy,
uznosić malitvy ab vyratavańni Rasii, pra vyratavańnie ŭsioj histaryčnaj Rusi, ab prymireńni mižusobnaj «brani» va Ukrainie, jakaja tak strašna vykarystoŭvajecca siońnia źniešnimi siłami, jakija majuć inšyja mety i nakiroŭvajucca da inšych vynikaŭ, čym heta siońnia dekłarujecca i abviaščajecca», — padkreśliŭ pradstajaciel RPC MP padčas liturhii ŭ Kazanskim sabory na Krasnaj płoščy ŭ Maskvie.
