Minčanka zatrymanaja pavodle padazreńnia ŭ internet-machlarstvie
Padčas apieratyŭna-vyšukovych mierapryjemstvaŭ supracoŭnikami adździeła kryminalnaha vyšuku Partyzanskaha RUUS stalicy zatrymanaja 24-hadovaja minčanka, jakaja padazrajecca ŭ machlarstvie ŭ internecie.
Jak paviedamili ŭ HUUS Minharvykankama, dziaŭčyna aformiłasia indyvidualnym pradprymalnikam i zarehistravałasia ŭ adnoj z sacyjalnych sietak, prapanujučy pasłuhi pa zamovie adzieńnia z Kitaja. Spačatku jana sapraŭdy vykonvała svaje abaviazacielstvy, ale praź niekalki miesiacaŭ zamovy vykonvać pierastała, kožny raz prydumvajučy novyja adhavorki. Davierlivyja klijenty pieraličvali hrošy pa pošcie, na jaje bankaŭskuju kartku, ale nichto asabista nie sustrakaŭsia z pradaŭcom. Pakupniki viedali tolki proźvišča i imia.
Pavodle papiarednich padlikaŭ, suma naniesienaha ŭronu pieravyšaje 100 miljonaŭ rubloŭ. Jak paviedamiła zatrymanaja, pačynajučy ź lutaha jana vyrašyła prymać zamovy ad pakupnikoŭ, a prybytkam raspłačvacca za daŭhi. Ukazanaja infarmacyja praviarajecca.
Milicyja ŭstanaŭlivaje paciarpiełych ad dziejańniaŭ machlarki.
