Masavyja pravierki rynkaŭ i HC pačnucca ŭ Biełarusi z 22 lipienia
Handlovaja inśpiekcyja Ministerstva handlu Biełarusi z 22 lipienia pačnie masavyja pravierki rynkaŭ i handlovych centraŭ, paviedamiŭ pieršy namieśnik ministra handlu Artur Karpovič.
«U čas pravierak budzie davacca pryncypovaja acenka rabocie, pravodzimaj ułaśnikami handlovych abjektaŭ», — skazaŭ Artur Karpovič.
Z 22 lipienia ŭstupaje ŭ siłu zakon «Ab dziaržaŭnym rehulavańni handlu i hramadskaha charčavańnia ŭ Respublicy Biełaruś», jaki nakiravany na ŭparadkavańnie adnosin u śfiery handlu i hramadskaha charčavańnia. «Zhodna z dakumientam, ułaśniki handlovych centraŭ i rynkaŭ pavinny buduć prymać miery pa vykanańni pradaŭcami, jakija pracujuć na ich terytoryi, zakanadaŭstva ab abaronie pravoŭ spažyŭcoŭ i inšych narmatyŭnych pravavych aktaŭ Biełarusi», — skazaŭ Artur Karpovič.
U pieršym paŭhodździ 2014-ha handlovaja inśpiekcyja ŭ čas kantrolnych pravierak handlovych abjektaŭ ustanaviła parušeńni zakanadaŭstva bolš jak u 350 subjektaŭ haspadarańnia.
