Літоўская паліцыя ўстанавіла асобу чалавека, які кінуў петарду на тэрыторыю беларускага пасольства

Віленская паліцыя паведаміла, што ўстанавіла асобу мужчыны, які падазраецца ў тым, што ён закінуў петарду на тэрыторыю амбасады Беларусі ў Вільні. Пра гэта паведамляе Delfi.lt.

Прадстаўнік галоўнага камісарыята паліцыі Віленскай акругі Паўлюс Радвілавічус паведаміў, што гэты чалавек раней у поле зроку паліцыі не трапляў. Яму прад'яўлена падазрэнне ў парушэнні грамадскага парадку.

Інцыдэнт адбыўся ўвечары 18 мая. У двор беларускага пасольства ў Вільні невядомы кінуў петарду. Неўзабаве паліцыя горада распаўсюдзіла фота падазраванага — яго захавалі камеры відэаназірання.

Tut.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0