Кіраўнік аднаго з раёнаў Гомеля і яго намесніца атрымалі мінімальныя 3 гады калоніі, але і тыя з адтэрміноўкай
Кіраўнік Чыгуначнага раёна Аляксандр Сівакоў і яго намесніца па эканамічных пытаннях Наталля Жук былі затрыманыя ў пачатку 2023 года проста на рабочых месцах.
Аляксандр Сівакоў
Чыноўнікам інкрымінавалі перавышэнне ўлады ці службовых паўнамоцтваў (ч. 3 арт. 426 КК). Па гэтым артыкуле можна атрымаць ад 3 да 10 гадоў зняволення.
У міліцэйскай газеце «На страже» супрацоўнікі ГУБАЗіКа пахваліліся, што Сівакоў і Жук атрымалі па 3 гады зняволення.
Аднак «Медыязона» знайшла інфармацыю пра прысуд у Банку судовых рашэнняў.
Выявілася, што чыноўнікам сапраўды далі па 3 гады калоніі — але з адтэрміноўкай на два гады. Такім чынам, і Сівакоў, і Жук, знаходзяцца дома. Дый суд яны чакалі дома, знаходзячыся пад хатнім арыштам.
Аляксандр Сівакоў узначальваў адміністрацыю Чыгуначнага раёна Гомеля ў 2019-2023. Перад тым у 2010-2017 кіраваў дзяржаўным прадпрыемствам па ўтрыманні дарог «ГарСАП». Быў дэпутатам Гомельскага гарадскога савета дэпутатаў, а таксама членам выбарчых камісій.
Наталля Жук
Чытайце таксама:
У Брэсце затрымлівалі і экс-мэра Рагачука, і абласнога кіраўніка Шулейку
Чым адметная «Бабушкина крынка», кіраўніка якой затрымалі за карупцыю
Пайшоў пад суд дырэктар яшчэ аднаго дзяржаўнага прадпрыемства
