На праспекце Дзяржынскага сабраліся будаваць дзевяціпавярховы паркінг для жыльцоў дома
Кампанія «Айрон» выкупіла на аўкцыёне ўчастак для будаўніцтва дома ўздоўж праспекта Дзяржынскага. Шматпавярховік будзе знаходзіцца паміж станцыяй метро «Пятроўшчына» і вуліцай Алібегава. Гэта своеасаблівы працяг «маскоўскіх» слупкоў, якія ўзводзіў па суседстве расійскі інвестар.
Варыянт забудовы ад «Айрона».
Першасны праект Маскоўскай інвестыцыйнай кампаніі. Слупкі паспелі пабудаваць, на астатняе грошай не хапідла.
Цікавае ў гэтай сітуацыі тое, як забудоўшчык плануе вырашыць праблему з паркоўкамі — будаўніцтвам дзевяціпавярховага (!) паркінга. Пра гэта заявіў у інтэрв'ю Tut.by дырэктар кампаніі «Айрон» Валер Шамрыла.
— Вы патрапілі пад абавязацельства будаваць адно парковачнае месца на адну кватэру?
— На адну кватэру прыходзіцца больш чым адно парковачнае месца. Мы прадугледзелі і гэта: у двары спраектаваны падземны паркінг, за межамі дваровых тэрыторый — адкрытыя стаянкі, а ў крокавай даступнасці, каля «Беларусбанка» - ёмісты паркінг на 1300 машын. Гэта значыць запраектавана дастатковая колькасць парковачных месцаў — і для кватэр, і для памяшканняў грамадскага прызначэння.
— Каля «Беларусбанка» маленькі ўчастак. Як там размясціць 1300 машын?
— Будзем будаваць ўверх. Пакуль гэты паркінг бачыцца дзевяціпавярховым.
— Гэта будзе самы вышынны паркінг ў краіне.
— Так, калі будзе такі рэйтынг, мы дакладна зоймем першае месца.