Удар па зайцах: кантралёры-транспартнікі пачалі працаваць без апазнавальнай формы
Тое, што кантралёры здымуць з сябе свае сінія камізэлькі, анансавалася яшчэ вясной. Спачатку супрацоўнікі «Мінсктранс» без апазнавальных знакаў працавалі на трамвайных маршрутах, цяпер гэта актуальна і для тралейбусаў.
Фота Сяргея Гудзіліна.
На прадпрыемстве паведамляюць, што новая тактыка супраць безбілетнікаў, перанятая ў еўрапейскіх калег, пачала выкарыстоўвацца з 19 ліпеня. Пакуль што гэта тычыцца толькі тралейбусаў і трамваяў, але хутка правіла павінна стаць агульным і для праверак у аўтобусах, як толькі будуць прынятыя адпаведныя змены ў заканадаўстве аб аўтамабільным транспарце.
З сабой у кантралёраў мусяць быць толькі пасведчанне, бэйдж і відэарэгістратар, каб фіксаваць магчымыя канфліктныя сітуацыі.
Штраф за безбілетны праезд у грамадскім транспарце на сённяшні дзень складае Br11,5.
