У Маскве машыну беларуса забралі на штрафстаянку і ператварылі ў металалом ВІДЭА
Супрацоўнікі штрафстаянкі лічаць, што нічога асаблівага не адбылося.
Андрэй Васільеў прыехаў у Маскву разам з жонкай у госці да сваякоў. Так захапіўся фатаграфаваннем сталіцы, што не заўважыў, як яго машыну, прыпаркаваную не па правілах, забраў эвакуатар. Але гэта паўбяды, бо сапраўдны жах пачаўся тады, калі беларус прыйшоў забіраць сваю «ластаўку» са штрафстаянкі.
Кіроўца эвакуатара не паставіў упоры пад свой грузавік, і страла пагрузчыка ўпала на аўтамабіль кліента. На стаянцы лічаць, што нічога асаблівага не адбылося.
Праваабаронцы запэўніваюць, што па ўсёй краіне службы эвакуацыі клапоцяцца пра захаванасць машын кліентаў у апошнюю чаргу.
Нічога канкрэтнага пра кампенсацыю, выплаты, пра выбачэнні не гавораць. Імаверна, беларусу давядзецца яшчэ не раз наведаць сваіх сваякоў у Маскве, каб нечага дабіцца.