Віцебчука затрымалі за «каментары, якія абражаюць Лукашэнку». Вось як яго адшукалі

Сяргей Навумаў. Фота з ягонай старонкі Укантакце

Затрыманага клічуць Сяргей Навумаў, яму 55 гадоў. Мужчына родам з пасёлка Падсвілле Глыбоцкага раёна. Працаваў ён на розных рабочых спецыяльнасцях: маляром, ахоўнікам і гэтак далей. Хобі Сяргея — гэта нумізматыка (калекцыянаванне манет) і байкерства.

Навумава затрымалі каля тыдня таму. У віну яму ставяць нейкія «допісы, якія абразілі Лукашэнку». Імаверна, гаворка пра каментары ў тэлеграме.

Акаўнт мужчыны слаба абаронены і прывязаны да ўласнага беларускага нумару. А нехта (імаверна, губазікаўцы ці іншыя спецслужбісты) зрабіў платны «пашыраны пошук» (дазваляе атрымаць троху больш інфармацыі) па ягоным акаўнце ў тэлеграм-боце «Вока Бога» ў студзені 2024 года. Гэта звычайна значыць, што чалавек ужо на кручку і яго затрыманне — пытанне часу.

Выдача бота «Вока Бога» па нумары Сяргея

Мяркуючы па тым, што пішуць каналы ГУБАЗіК, у адносінах Сяргея завялі крымінальную справу.

Чытайце таксама:

Беларусы стварылі бот, які дапаможа адшукаць паведамленні ў чатах. Вось як ён працуе і чаму гэта важна для бяспекі

За каментары затрымалі айцішніка, які выдаліў тэлеграм-акаўнт паўтара года таму. Вось як яго знайшлі

Тлумачым, якім чынам сілавікі знаходзяць карыстальнікаў Telegram і як гэтага пазбегнуць

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

1

0

0

4

24