Дональд Трамп назваў Хілары Клінтан «заснавальніцай ІД»
«Гэта была Хілары Клінтан, яна павінна атрымаць узнагароду ад ІД як заснавальніца ІД».
Фота © EPA/DAVID MAXWELL, архіў.
Пра гэта мільярдэр заявіў падчас выступу ў сераду, 3 жніўня, перад сваімі прыхільнікамі ў горадзе Дайтона-Біч (штат Фларыда).
Як лічыць Трамп, прэзідэнт ЗША Барак Абама павінен «вельмі шкадаваць» аб тым, што ён прызначыў Клінтан дзяржсакратаром у сваёй адміністрацыі. Гэтую пасаду былая першая лэдзі займала ў 2009-2013 гадах.
«Яна (Клінтан) з'яўляецца заснавальніцай ІД», — сцвярджаў Трамп, заявіўшы, што палітыка экс-кіраўніка Дзярждэпу на Блізкім Усходзе спрыяла стварэнню і ўзмацненню ўплыву групоўкі. «Гэта была Хілары Клінтан, яна павінна атрымаць узнагароду ад ІД як заснавальніца ІД», — сказаў мільярдэр.
У сваім выступе Трамп таксама адхіліў здагадкі праціўнікаў аб тым, што яго прэзідэнцкая кампанія сутыкаецца з цяжкасцямі, а прадстаўнікі выбарчага штаба вельмі незадаволеныя паводзінамі і заявамі мільярдэра.
«Я б сказаў, што зараз самы лепшы перыяд у плане таго, наколькі мы аб'яднаныя», — падкрэсліў ён, калі гаварыў пра сваіх прыхільнікаў.