Парашэнка дазволіў замежнікам служыць ва ўкраінскай арміі
Прэзідэнт Украіны Пятро Парашэнка падпісаў указ аб праходжанні вайсковай службы ва ўкраінскай арміі замежнікамі і асобамі без грамадзянства.
Пра гэта паведамляе прэс-служба прэзідэнта.
«Указ накіраваны на парадкаванне вызначанай законам Украіны «Аб вайсковым абавязку і вайсковай службе» сістэмы камплектавання пасад радавога, сяржанцкага і старшынскага складу ваеннай службы па кантракце ва Узброеных сілах Украіны замежнікамі і асобамі без грамадзянства», — гаворыцца ў паведамленні.
Прэс-служба ўдакладняе, што прыняцце ўказа дазволіць замежнікам і асобам без грамадзянства, якія раней не праходзілі ваенную службу ва Узброеных Сілах Украіны (якія на гэты час знаходзяцца ў вайсковых частках), «добрасумленна выканаць у добраахвотным парадку свой абавязак па абароне незалежнасці і тэрытарыяльнай цэласнасці Украіны».
