Залез, каб пакатацца: 16-гадовы хлопец загінуў, забраўшыся на ЛЭП
Маладзечанскім раённым аддзелам Следчага камітэта праводзіцца праверка па факце смерці 16-гадовага мясцовага жыхара.
29 красавіка паступіла паведамленне, што ў бальніцу даставілі юнака з цяжкімі цялеснымі пашкоджаннямі, ад якіх ён памёр.
Кампанія маладых людзей гуляла ў полі паблізу в. Касцюшкі (Маладзечанскі раён), на ўчастку па правядзенні будаўніча-мантажных работ па ўсталяванні высакавольтных ліній электраперадачы. Са слоў сяброў загінулага, здарэнне адбылося ў выніку падзення юнака з нацягнутага паміж апорамі кабеля, на які ён залез, каб пакатацца. Ад атрыманых траўмаў апошні памёр. Іншыя хлопцы не пацярпелі.
Праводзіцца праверка. Апытваюцца службовыя асобы, у чыёй кампетэнцыі знаходзіцца пытанне тэхнікі бяспекі пры будаўніча-мантажных работах па-за населеным пунктам.