Расія паведаміла пра падаўжэнне перамір'я ў Алепа на 48 гадзін
Рэжым цішыні ў сірыйскім Алепа падоўжаны яшчэ на 48 гадзін, паведаміў начальнік расейскага цэнтра па прымірэнні варагуючых бакоў у Сірыі Сяргей Кураленка.
«Па ўзгадненні з кіраўніцтвам Сірыйскай Арабскай Рэспублікі і ўмеранай апазіцыяй, расійскай і амерыканскім бакамі з 00.01 10 мая 2016 году рэжым цішыні ў горадзе Алепа падоўжаны яшчэ на 48 гадзін», — заявіў Кураленка ў аўторак.
Раней пра падаўжэнне перамір'я гаварылася ў паведамленні камандавання ўзброеных сіл Сірыі, апублікаваным сірыйскімі афіцыйнымі СМІ.
Рэжым спынення агню дзейнічае ў Сірыі з лютага гэтага года. У апошнія тыдні ён не выконваўся ў шэрагу рэгіёнаў, уключаючы Алепа. За апошнія тыдні ў горадзе загінулі некалькі сотняў чалавек.
0
0
0
0
0
0
Каментары
Каб пакінуць каментар, калі ласка, актывуйце JavaScript у наладах свайго браўзера
Судзяць жанчыну, якая адмовілася размаўляць з Азаронкам — пагражае да 12 гадоў. А з яе тэлеграм-акаўнта актыўнічае ГУБАЗіК
3
Каб скарыстацца календаром, калі ласка, актывуйце JavaScript у наладах свайго браўзера