Аранжавую раку ў Каларада ачысцілі ад таксіну ФОТА
Вада вярнулася ў нармальны стан, яе ўжо можна піць. Пацярпелых няма.
Фота: Jerry McBride, Durango Herald
Рака Анімас у штаце Каларада, ЗША, афарбавалася ў кіслотна-аранжавы колер пасля ўцечкі таксічных рэчываў з закінутых шахт 5 жніўня. Стан вады атрымалася вярнуць да нормы толькі праз тыдзень, паведамляе Reuters.
У раку трапіла больш за 11 млн літраў адкідаў з залатых шахт. Вада займела завышаную канцэнтрацыю мыш’яку, волава, жалеза, алюмінію, кадмію, цынку і іншых рэчываў. Вада з ракі стала непрыдатнай для піцця — а яна была галоўнай крыніцай вады для некалькіх дзясяткаў тысяч людзей.
Адказнасць на сябе ўзяла Агенцтва па ахове навакольнага асяроддзя (EPA), якое праводзіла работы па ачыстцы закансерваваных шахт.
Фота: San Juan Basin Health Department
Фота: Michael Constantine, The Durango Herald
Фота: Geoff Liesik, The Deseret News
Ваду атрымалася ачысціць праз серыю штучных сажалак, у якіх асядалі шкодныя рэчывы. Пацярпелых ад атручання няма, EPA сцвярджае, што значнай шкоды навакольнаму асяроддзю не ўчынена, забруджанне не дайшло да грунтавых вод.
У курорце Дуранга, найбольш пацярпелым ад забруджання, ужо можна аднаўляць забор вады з ракі, але EPA заклікае правяраць калодзежы ў радыусе 1,6 км ад ракі на прадмет шкодных рэчываў.
Тут і ніжэй фота: Brent Lewis, The Denver Post
