Топ-100 самых уплывовых беларусаў. 25. Лідзія Ярмошына
25 (24). Лідзія Ярмошына
Старшыня ЦВК.
Бабруйская юрыстка займае сваю высокую пасаду ўжо 18 гадоў. Так, як яна, не ўмее лічыць ніхто.
Старшыня ЦВК выходзіць на авансцэну толькі падчас прэзідэнцкіх выбараў. І сёлета якраз такі год.
У сваім катэджы старшыня ЦВК жыве адна. Маці засталася ў Бабруйску, шлюб распаўся, сын аддзяліўся… У выніку Лідзія Ярмошына — адзін з самых частых персанажаў свецкай хронікі. У свабодны ад выбараў час яна наведвае выставы і тэатры, а таксама разважае на старонках газет пра псіхалогію і кулінарыю, напрыклад, пра боршч. І пра тое, як возіць сыну катлеты.
Цытата
«Я даю рады сваім абавязкам так, як гэта задавальняе майго наймальніка, прэзідэнта Беларусі».
Студзень 2015.
Аб’ектыўка
Нар. у 1953 у Слуцку. Скончыла юрфак Калінінградскага дзяржаўнага ўніверсітэта (1975). Працавала юркансультантам у Калінінградзе і Бабруйску (1975—1987), памочнікам раённага пракурора ў Калінінградзе (1987—1988). Кіраўнік юрыдычнай службы Бабруйскага гарвыканкама (1988—1996). Сябра ЦВК (1992—1996), старшыня ЦВК (з 1996). Разведзеная, мае сына.
* * *
Чытайце таксама:
Гісторыя ўзлёту бабруйскай юрысткі Лідзіі Ярмошынай
* * *
