РАСІЙСКІ РУБЕЛЬ УПАЎ НА 12% ЗА ДЗЕНЬ, ДА 65 ЗА ДАЛЯР
Попыт на валюту ўвечары перавышаў прапанову ў 242 разы. Фактычна прадаўцоў валюты на рынку не засталося.
Курс рубля да бівалютнага кошыка ў «чорны панядзелак» зазнаў наймацнейшае падзенне з часоў дэфолту 1998 года: панічны распродаж ужо абганяе дынаміку сусветных цэнаў на нафту. Замежныя валюты выраслі за дзень на рэкордныя за шмат гадоў шэсць рублёў. Курс перавысіў 65 рублі за даляр і дасягнуў 82 рублёў за еўра.
Курс даляра разлікамі «заўтра» да 20.23 павышаўся на 6,3 рубля — да 64,4 рубля, курс еўра — на 6,6 рубля, да 78,9 рубля, вынікае са звестак Маскоўскай біржы. На гэтым падзенне не спынілася. Момантамі даляр дасягаў 68 рублёў, на 22.00 ён спыніўся на 65,5.
Мяркуючы па біржавых дадзеных, на рынак з інтэрвенцыямі выходзіў Банк Расіі. Буйны прадавец валюты рэалізаваў больш за $500 мільёнаў па цэнах ніжэйшых за рынкавыя, апусціўшы курс даляра прыкладна на рубель. Эфект ад ўмяшання рэгулятара пратрымаўся не больш за дзве гадзіны, курсы валют зноў пачалі расці.
