На Луганшчыне тэрарысты збілі самалёт ВІДЭА
Паведамленне пра збіты тэрарыстамі ўкраінскі самалёт з'явілася некалькі гадзін таму.
Як паведамілі відавочцы, у Краснадонскім раёне, каля шахты «Усходняя» ГП «Краснадонвугаль» з лесапаласы тэрарыстамі вёўся абстрэл з пераноснага зенітнага ракетнага комплексу (ПЗРК), і ў 12.30 украінскі самалёт быў збіты, лётчык катапультаваўся.
Пра страту сувязі з экіпажам ваенна-транспартнага самалёта Ан-26 таксама паведаміў прэс-цэнтр АТА на сваёй старонцы ў Facebook.
«У 12.30 знікла сувязь з самалётам ПС Украіны Ан-26, які выконваў задачы ў рамках паветрана-транспартнага забеспячэння актыўнай фазы АТА. Прычыны знікнення сувязі правяраюцца», — гаворыцца ў паведамленні. Праводзіцца пошукава-выратавальная аперацыя ў вызначаным раёне Луганскай вобласці.
Верагодна, менавіта гэты самалёт і быў збіты сёння тэрарыстамі.
