Švarcenehier znoŭ syhraje Konana-varvara

Arnold Švarcenehier znoŭ syhraje Konana-varvara: rabić film «Lehienda pra Konana» budzie kinakampanija Universal Pictures, a jaje vychad na ekran čakajecca letam 2014 hoda. Pradziusierami stužki buduć Fredryk Małmbierh, jaki vałodaje adpaviednymi pravami na ekranizacyju historyj Robierta Hovarda, i Krys Morhan, jaki zaprošany nie tolki jak pradziusar. U jaho ŭžo jość nakidy budučaj karciny pra Konana, i nie vyklučana, što mienavita jon zrobić kančatkovy scenar.

Vypuščany ŭ 1982 hodzie film Džona Miliusa «Konan-varvar» staŭ prykmietnaj padziejaj u kinaśviecie i prynios pradziusaram dobryja baryšy; scenar da jaho Miliusu dapamahaŭ pisać Olivier Stoŭn. A voś źniaty praz dva hady sikvieł «Konan-razburalnik» — jaho rabiła inšaja kamanda — tak i nie zmoh paŭtaryć pośpiech aryhinała.

Nie tak daŭno franšyzu pasprabavali pierazapuścić — z novym Konanam, jakoha syhraŭ Džejsan Mamoa, i 90-miljonnym biudžetam, jaki nie ŭdałosia akupić.

Film u prakacie pravaliŭsia — jaho zbory byli ŭsiaho $ 49 młn; pierazapusk byŭ pryznany niaŭdałym, Mamoa novym Švarcenehieram nie staŭ, i ŭ «Lehiendzie pra Konana» jon naŭrad ci źjavicca.

Zrešty, ad «Konana-razburalnika» stvaralniki novaj stužki taksama vyrašyli admovicca.

«Usio, što było zroblena paśla pieršaha filma, na moj pohlad, prosta durnoje.

U pieršapačatkovym „Konanu-varvary“ źmiešvałasia mifałohija Hovarda i mnostva fiłasofskich idej — ad Nicše da Atyły», — cytuje słovy Morhana sajt Deadline.

Pradziusar taksama skazaŭ, što pakul nieviadoma, ź jakim rejtynham vyjdzie na ekrany film; nahadajem, što karcina 1982 mieła «darosły» rejtynh R.

Pradziusary ŭdakładnili, što «Lehienda pra Konana» raskaža historyju pastarełaha hieroja-varvara.

«U finale pieršaha filma hieroj Arnolda sieŭ na tron, i z hetaha momantu my i pačniem našu karcinu, —

raspavioŭ Małmbierh. — Mifičny paŭnočny vikinh byŭ karalom, vajarom, sałdatam i najmitam, jon pakłaŭ u łožak bolš žančyn, čym chto-niebudź, i voś jaho žyćcio nabližajecca da kanca.

Jon źbirajecca ŭ Valhału i choča trapić tudy prosta z pola boju, paśla dobraj bitvy».

Stužka 1982 faktyčna dała pačatak kinakarjery Švarcenehiera: paśla jaje jon atrymlivaŭ usio bolš pryvabnyja i hrašovyja prapanovy i staŭ nastolki znakamitym, što ź lohkaściu pravioŭ dva terminy ŭ kreśle hubiernatara Kalifornii, a potym viarnuŭsia ŭ kino.

U hetym hodzie jon źjaviŭsia ŭ druhich «Niastrymnych», a na 2013 hod zapłanavana adrazu niekalki filmaŭ ź jaho udziełam — «Viartańnie hieroja» (Last stand), «Mahiła» (Tomb), «Čornyja piaski» (Unknown Soldier).

Litaralna ŭčora ŭ sietcy źjaviłasia fatahrafija sa zdymačnaj placoŭki stužki Devida Ejra «Ten» («Dziesiać»), dzie Švarcenehier vykonvaje hałoŭnuju rolu.

Jon jašče nie admoviŭsia ad raspracoŭki cełaha prajekta pra supierhieroja, jakoha zavuć Hubiernatar,

u tym liku multsieryjał, sieryja komiksaŭ i poŭnamietražnaja karcina, a taksama nie skazaŭ «nie» tym, chto sprabuje zavabić akciora ŭ 5-aha «Terminatara» i ŭ kamiedyju «Trajniatki» — na zdymkach praciahu «Dvajniat» nastojvaje jaho pryjaciel Deni de Vita.

Zrešty, udzieł Švarcenehiera ŭ «Lehiendzie pra Konana» užo paćvierdžany: akcior zajaviŭ, što zaŭsiody lubiŭ svajho hieroja-varvara i ličyć honaram dla siabie syhrać jaho jašče raz.

Hazieta.ru

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH