Pradstaŭnik Biełarusi vystupić na dziciačym «Jeŭrabačańni» pieršym

Paradak vystupleńnia finalistaŭ mižnarodnaha dziciačaha piesiennaha konkursu «Jeŭrabačańnie-2012» byŭ vyznačany 15 kastryčnika ŭ Amsterdamie (Hałandyja).

U Amsterdamie kiraŭniki delehacyj krain-udzielnic sabralisia dla taho, kab aficyjna zajavić konkursnyja kampazicyi i atrymać ad arhanizataraŭ infarmacyju ab praviadzieńni šou.

Zhodna ź losavańniem, adkryje finalnaje šou 1 śniežnia pradstaŭnik Biełarusi Jahor Žeška (№ 1). Za im na scenu vyjduć udzielniki nastupnych krain: Šviecyja (2), Azierbajdžan (3), Bielhija (4), Rasija (5), Izrail (6), Ałbanija (7), Armienija (8), Ukraina (9), Hruzija (10), Małdova (11), Hałandyja (12).

Dziciačaje «Jeŭrabačańnie-2012» projdzie pad devizam «Raźbi lod». Finał konkursu adbudziecca 1 śniežnia ŭ kancertnaj zale HMH, viadomaj cudoŭnaj akustykaj.

Pradstaŭniku Biełarusi Jahoru Žešku 12 hadoŭ, jon žyvie i vučycca ŭ Minsku, zajmajecca ŭ estradna-vakalnaj studyi pradziusarskaha centra «Załatyja hałasy» pry art-hrupie «Biełarusy». Pakłońnik Mikałaja Baskava, Vitasa i Ryki Marcina, hety juny vykanaŭca ŭžo prymaŭ udzieł u mižnarodnym dziciačym konkursie «Tryksi» (Bałharyja, 2011), respublikanskim dziciačym konkursie «Pieśnia dla Jeŭrabačańnia» (2011), nacyjanalnym konkursie papularnaj pieśni «Biełaruskaja žamčužyna» (2011), paŭfinale konkursu «Dziciačaja novaja chvala» (Maskva, 2012), mižnarodnym konkursie «Kubak Jeŭropy» (Minsk, 2012).

BiełTA

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0