Spoviedź studenta BNTU, jaki taki prahałasavaŭ daterminova: «Vykryvajcie hetych čarviakoŭ!»
Paśla publikacyi na NN student dasłaŭ list.
Dzień dobry, Aksana!
Mianie zavuć Maksim. Heta ja ŭčora Vas advioŭ ubok la internata BNTU, kab raspavieści niekalki rečaŭ pra vybary. Jak vyśvietliłasia, ja adziny z hrupy nie prahałasavaŭ. Siońnia da mianie padychodzić kuratarka hrupy. I tut pačynajecca samaje cikavaje:
— Maksim, — kaža jana mnie, — ty adziny, chto nie prahałasavaŭ z hrupy…
— I što? — pytaju.
— Dobra… Tabie ŭ hetym siemiestry zdavać mnie kursavuju i ekzamien, razumieješ?
Jak by heta ni było źnievažalnym, ale ja pajšoŭ na hety dzioŭbany vybarčy ŭčastak… Usio šlacham šantažu i zapałochvańniaŭ u nas robicca. Ja razumieju, što heta nie jaje kapryz, jana prosta «pieška», jakoj kirujuć z dekanata. Ale ŭsio roŭna vielmi niepryjemna.
Dziakuj! Raspaviadajcie pra heta, vykryvajcie hetych čarviakoŭ, kab usie pra heta viedali! Dziakuj Vam!
I jašče… Našaj vychavalnicy ŭžo «ŭlacieła» za Vaš repartaž! Jaki ž ja byŭ ščaślivy, kali bačyŭ jaje siońnia złuju!
