Nacbank zavieršyć pravierku Kredeksbanka na praciahu dvuch tydniaŭ

Nacyjanalny bank Biełarusi płanuje zaviaršyć pravierku ZAT «Kredeksbank» na praciahu dvuch tydniaŭ,

paviedamiła žurnalistam staršynia praŭleńnia Nacyjanalnaha banka Nadzieja Jermakova.

«Na praciahu dvuch tydniaŭ pravierka budzie zavieršana. My nie dumajem, što tam buduć parušeńni, ale pravieryć treba», — skazała Nadzieja Jermakova. «Na pravierku pojduć tolki ŭ paniadziełak, ale my nie bačym taho, što tam buduć jakija-niebudź parušeńni, pra jakija skazana na sajcie Ministerstva ZŠA. Tym bolš, tam raźmieščana infarmacyja za 2006–2010 hady, a my siońnia ŭžo žyviom u 2012 hodzie», — adznačyła kiraŭnik Nacbanka.

«Da hetaha ŭ nas taksama byli pravierki niejkich parušeńniaŭ typu techničnych, niedzie rabotnik pamyliŭsia abo niechta infarmacyju niapoŭnuju ŭklučyŭ,

ale, va ŭsialakim razie, usiu infarmacyju, jakaja ličyłasia padazronaj, rabotniki banka poŭnaściu pieradali ŭ Departamient finansavaha manitorynhu Kamiteta dziaržkantrolu.

Jakich-niebudź prablemnych pytańniaŭ nie vyjaŭlena», — skazała Nadzieja Jermakova.

Nadzieja Jermakova ličyć nieabhruntavanymi pretenzii Minfina ZŠA da biełaruskaha banka. Ich jana tłumačyć staŭleńniem ZŠA da Biełarusi. «Kali nas nie zmahli ŭziać z adnaho boku, to chočuć uziać ź inšaha.

Viadoma, pierakryć kisłarod praź finansavuju sistemu — heta samy prosty varyjant, ale jon nie karektny, ni adna hramadskaja suśvietnaja arhanizacyja nie padtrymaje taki paradak»,

— skazała kiraŭnik Nacbanka.

Pry hetym Nadzieja Jermakova adznačyła, što Kredeksbank nie maje ciažkaściej z rabotaj u suviazi ź situacyjaj, jakaja skłałasia. Razam z tym, pad pahrozaj imidž banka.-

BiełaPAN

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH