Miezin z ułasnaj inicyjatyvy pakinuŭ chakiejnuju zbornuju

Na siońniašniaj treniroŭcy zbornaj Biełarusi ŭ «Chartvał-Arenie» ŭ Chielsinki, dzie prachodzić čempijanat śvietu pa chakiei, nie było hałkipiera Andreja Miezina. Hałoŭny trenier zbornaj Biełarusi Kary Chiejkila skazaŭ, što Andrej pakinuŭ raźmiaščeńnie zbornaj:

«Sabraŭ rečy i źjechaŭ. Vidavočna, sprava ŭ psichałohii: hałkipiera nie zadavoliła jaho hulnia i rola ŭ kamandzie».

Pavodle Chiejkili, Miezin nikoha nie papiaredziŭ: «Prosta ranicaj mnie skazali, što Miezina ŭ kamandzie bolš niama».

K. Chiejkila miarkuje, što kanflikt ułahodzicca: «Dumaju, heta ŭsio emocyi, jakija chutka ŭlahucca. My narmalna pahavorym z Andrejem, usio abmiarkujem, tak što ničoha nie vyklučana», paviedamlaje Priessboł.

Učora, u matčy sa zbornaj ZŠA (3:5) paśla taho, jak biełarusy prapuścili druhuju šajbu (0:2) trenier pamianiaŭ Miezina na Vitala Kovala.

0

0

0

0

0

0