«Čarnobyl: Ludzi. Miescy. Salidarnaść. Budučynia»
Niamieckaja vystava pačynaje padarožža pa 25 haradach Biełarusi.
23 sakavika ŭ Minskim mižnarodnym adukacyjnym centry (MAC) imia Jochanesa Rau adbyłasia rabočaja sustreča inicyjatyŭnych hrup z usich abłaściej Biełarusi, pryśviečanaja praviadzieńniu ŭ krainie vystavy «Čarnobyl: Ludzi. Miescy. Salidarnaść. Budučynia», jakaja ŭ hetym hodzie pačnie svajo padarožža pa 25 haradach Biełarusi.
«Ideja vystavy paŭstała dva hady tamu, kali adznačałasia 25-hodździe Čarnobylskaj katastrofy, — skazała BiełaPAN adna z arhanizataraŭ ekspazicyi Śviatłana Marholina. — Sa studzienia pa listapad minułaha hoda jana pabyvała ŭ 50 haradach Hiermanii, i na kožnuju vystavu prylatali z Ukrainy i Biełarusi likvidatary avaryi. Vy možacie paznajomicca tut z anłajn-vodhukami, dzie niamieckaja moładź pryznajecca, što samymi pamiatnymi i chvalujučymi byli sustrečy mienavita z hetymi ludźmi. Darečy, niekatoryja ź likvidataraŭ prysutničajuć u hetaj zale».
«Razam z demanstracyjaj vystavy, — padkreśliŭ na prezientacyi ekspazicyi kiraŭnik spraŭ Dortmundskaha MAC Pieter Junhie-Vientrup, — my arhanizavali pajezdki vidavočcaŭ trahiedyi, likvidataraŭ avaryi ŭ Hiermaniju, Aŭstryju i Niderłandy, kab u pieršuju čarhu jany pahutaryli z maładym pakaleńniem Jeŭropy. Biarem na siabie śmiełaść śćviardžać, što tym samym my ŭnieśli ŭkład u ahulnajeŭrapiejskuju kulturu pamiaci. My vyrašyli, što i ŭ tych krainach, jakija najbolš paciarpieli ad Čarnobylskaj trahiedyi — u Biełarusi i Ukrainie, taksama pavinny ŭbačyć hetuju vystavu, taksama pavinien adbycca dyjałoh ź vidavočcami tych padziej».