BATE pačnie čempijanat hulnioj z «Minskam», «Dynama» zhulaje z «Homielem»

Siońnia ŭ Domie futboła, na vykankamie BFF, prajšło losavańnie čempijanatu Biełarusi pa futbole ŭ vyšejšaj lizie. Nahadajem, što paśla taho, jak minski «Partyzan» admoviŭsia ad udziełu, vykankam pryniaŭ rašeńnie, što ŭ mužčynskim pieršynstvie vyšejšaj lihi voźmuć udzieł 11 kłubaŭ, jakija zhulajuć, jak i ŭ 2010 i 2011 h., u try koły. Tolki ciapier budzie 30 turaŭ, zamiest 33.

Raz kolkaść udzielnikaŭ niacotnaja, to adna z kamandaŭ budzie prapuskać tur.

22-i čempijanat Biełarusi pa futbole ŭ vyšejšaj lizie pačniecca 24–25 sakavika.

U I tury zhulajuć: «Minsk» — BATE, «Homiel» — «Dynama» Minsk, «Naftan» — «Šachcior», «Słavija» — «Nioman», «Biełšyna» — Brest». Žodzinskaje «Tarpieda» pieršy tur prapuskaje.

U II tury, 31 sakavika, zhulajuć: BATE — «Biełšyna», «Nioman» — «Minsk», «Dynama» Minsk — «Słavija», «Šachcior» — «Homiel», «Tarpieda» — «Naftan». «Brest» tur prapuścić.

BATE i minskaje «Dynama» dźvie hulni praviaduć u Minsku (20 ci 21 krasavika, 22 ci 23 vieraśnia), adnu ŭ Barysavie (1 lipienia). Dva hady zapar losavańnie adpraŭlała dźvie hulni ŭ Barysaŭ.

Matčy 2-ha koła pačnucca 24–25 maja, treciaha koła — 1–2 vieraśnia. U druhoj pałovie lipienia — pieršaj dekadzie žniŭnia ŭ čempijanacie budzie ŭziaty tajm-aut

z pryčyny udziełu alimpijskaj futbolnaj zbornaj u 30-ch Hulniach u Łondanie. Apošni, 33-ty, tur projdzie 25 listapada. U Barysavie zhulajuć BATE i «Šachcior». Minskaje «Dynama» ŭ hetym tury hulać nie budzie.

Nivodnaja z kamandaŭ naŭprost nie pakinie vyšejšuju lihu.

Kamanda, što zojmie apošniaje, 11-je miesca, budzie hulać u kancy hoda ŭ stykavych matčach z 2-j kamandaj pieršaj lihi.

Uvieś kalandar

Futbolny siezon pačniecca 6 sakavika matčam na Supierkubak krainy pamiž BATE i «Homielem» — dziejučym čempijonam i ŭładalnikam Kubka.

***

Čempijony Biełarusi pa futbole:

BATE — 8-razovy čempijon krainy: 1999, 2002, 2006, 2007, 2008, 2009, 2010, 2011.

«Dynama» Minsk — 7-razovy čempijon: 1992, 1993-viasna, 1993/1994, 1994/1995, 1995, 1997, 2004.

«Słavija» — 1996 (jak MVKC), 2000.

«Dniapro-Transmaš» — 1998.

«Biełšyna» — 2001.

«Homiel» — 2003.

«Šachcior» — 2005.

Apošnija šeść hadoŭ biasmiennym čempijonam u nas barysaŭski BATE.

***

U žanočym pieršynstvie ŭ vyšejšaj lizie voźmuć udzieł 10 kamandaŭ. Turnir budzie praviedzieny ŭ try koły.

U startavym tury sustrenucca nastupnyja pary kamand: Maładziečna — Viktoryja (Voranava), Zorka-BDU (Minsk) — Viktoryja-86 (Brest), SDIUŠAR-8 (Homiel) — Nadzieja-SŁDIUŠAR-7 (Mahiloŭ), Univiersitet (Viciebsk) — Minsk,

Babrujčanka (Babrujsk) — Niva-Biełkard (Hrodna).

nn.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH