Puhačova i Hałkin pažanilisia ŭ dzień masavych pratestaŭ u Maskvie - foty
Bukiet maładoj złaviła siabroŭka jaje ŭnuka.
Rasijskaja śpiavačka Ała Puhačova paśla dziesiaci hadoŭ sumiesnaha žyćcia aficyjna ŭziała šlub z estradnym artystam Maksimam Hałkinym. Bukiet, jaki, zhodna z zvyčajem, kidała maładaja, złaviła siabroŭka jaje ŭnuka.
Cikava, što viasielle pop-dzivy, fakty žyćcia jakoj zaŭždy pryciahvajuć uvahu častki publiki, adbyłosia 24 śniežnia, u dzień vialikich antypucinskich pratestaŭ u Maskvie.
«Spadziajusia, viasielle z Maksimam apošniaje dla mianie», — skazała papularnaja ŭ Rasii śpiavačka. Raniej jana była zamužam za našmat maładziejšaha za jaje Filipa Kirkorava. Uvohule, heta daloka nie druhi jaje šlub, a piaty.
U Hałkina heta pieršy šlub. Viančańnia nie było, bo Hałkin nie pravasłaŭny. Proźvišča muža Puhačova nie brała.
Niaviesta była ŭ biełych sabalach. A žanich byŭ u sabalach karyčnievych.