8 lutaha ŭ Bierlinie — viečaryna biełaruskaj kultury

8 lutaha ŭ Bierlinie adbudziecca vialikaja viečaryna «Moc słova», pryśviečanaja roli biełaruskaj kultury ŭ sučasnym hramadska-palityčnym žyćci Biełarusi. Na jaje zaprošanyja piśmieńnica Śviatłana Aleksijevič, mastak i litaratar Artur Klinaŭ i rok-muzyka Lavon Volski.

Imprezu naładzili niekalki kulturnickich fondaŭ, jakija zacikaŭlenyja ŭ demakratyzacyi Biełarusi. Adnym ź niepasrednych arhanizataraŭ staŭ žurnalist Inha Piec. Jon nieadnarazova pryjaždžaŭ u Biełaruś i dobra znajomy z sučasnaj biełaruskaj kulturaj i jaje asobami.

U liku arhanizataraŭ imprezy vystupaje i Niamiecki PEN-centar, jaki zaprasiŭ na viečarynu svaich kalehaŭ z Aŭstryi. Pradstaŭniki hetych arhanizacyjaŭ miarkujuć vystupić u padtrymku siabroŭ Biełaruskaha PEN-centru, jakija paśla padziejaŭ 19 śniežnia ŭ Minsku stali palitźniavolenymi. Heta doktar fiłałohii Alaksandar Fiaduta, piśmieńnik i palityk Pavał Sieviaryniec i hanarovy staršynia Biełaruskaha PEN-centra paet Uładzimir Niaklajeŭ.

Radyjo Svaboda

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0