Italjanskija banki abviaścili vajnu najaŭnym
Asacyjacyja bankaŭ Italii (ABI) abviaściła «vajnu najaŭnym», zaklikaŭšy pavialičyć raspaŭsiudžańnie elektronnych tranzakcyj u krainie.
Italjanskija bankiry śćviardžajuć, što nizki ŭzrovień raspaŭsiudžańnia płastykavych kart u krainie štohod abychodzicca finansavym arhanizacyjam i kampanijam ŭ 10 miljardaŭ jeŭra. Hetyja srodki iduć na absłuhoŭvańnie najaŭnych płaciažoŭ (u asnoŭnym na piersanał i biaśpieku). ABI maje namier zmahacca za skaračeńnie hetych vydatkaŭ praz prasoŭvańnie elektronnych płaciažoŭ z vykarystańniem kredytnych i debietavych kartaŭ jak u pryvatnym, tak i ŭ dziaržaŭnym siektary.
Pavodle dadzienych aficyjnaj statystyki, Italija stračvaje da 100 miljardaŭ jeŭra praź vialikuju dolu cienievaj ekanomiki, jakaja dasiahaje 22 adsotkaŭ VUP. Na poŭdni Italii, dzie dziejničajuć najbujniejšyja kryminalnyja hrupoŭki krainy, kampanii čaściakom płaciać rabočym najaŭnymi, kab paźbiehnuć padatkaabkładańnia. Ciapier ABI damahajecca ad urada zabarony na vypłatu zarobkaŭ najaŭnymi.
Siaredni italjaniec, jak śćviardžajuć analityki Banka Italii, robić za hod 26 tranzakcyj z vykarystańniem kredytnych kartaŭ. Dla paraŭnańnia, žychar Vialikabrytanii za hod pravodzić u piać razoŭ bolš tranzakcyj z vykarystańniem kredytnych kartaŭ.
