Niavyhłas «nie ŭ kursach»
Staršynia BFF nie zmoh prakamientavać źjaŭleńnie na matčy "Dynama" (Brest) — "Biełšyna" dziaciej u majkach z partretam Łukašenki.
Staršynia Biełaruskaj fiederacyi futboła Hienadź Niavyhłas nie zmoh prakamientavać źjaŭleńnie na futbolnym poli pierad matčam «Dynama» (Brest) — «Biełšyna» 21 listapada dziaciej u majkach z partretam Alaksandra Łukašenki.
«Ja nie bačyŭ, nie viedaju, biez kamientaryjaŭ. Ja byŭ na matčy BATE — „Šachcior“, tam ja hetaha nie bačyŭ», — skazaŭ Niavyhłas u hutarcy z žurnalistami i prapanavaŭ źviarnucca niepasredna ŭ «Dynama».
Situacyju prakamientavaŭ hałoŭny trenier «Dynama» Juryj Puntus:
«Zdala ja i nie zrazumieŭ, što heta za fatahrafija. Potym mnie skazali, što heta Alaksandra Ryhoraviča partret. Kali siońnia mnie Viarhiejenka (namieśnik staršyni BFF. — BiełaPAN.) zadaŭ pytańnie, a što heta za akcyja, ja adrazu pra heta i zabyŭsia. Ale potym ja daviedaŭsia, tamu što ŭ nas u Breście jość chłopiec z hruzinskim proźviščam, Žora jaho kličuć (Hieorhij Darbuašvili, deputat Bresckaha harsavieta), jaki zajmajecca amatarskim futbołam, žanočym futbołam. Jon siońnia byŭ na našaj trenierskaj kanfierencyi [u Minsku], znoŭ ža sam u majcy z partretam Alaksandra Ryhoraviča Łukašenki. I kali ja ŭžo jamu skazaŭ, tak, jon kaža: heta maja inicyjatyva była, heta ja dziaŭčynak i chłopčykaŭ apranuŭ tak. Reč u tym, što ahitacyja ŭžo dazvolena. Jon kaža: ja maju kłub, kłub moj zarehistravaŭsia nibyta ŭ padtrymku hetaha, i jon aficyjna zrabiŭ takuju akcyju».
Puntus zaznačyŭ, što daloki ad palityki, kab «prafiesijna prakamientavać, treba heta, nie treba, dobra heta ci drenna».
U adpaviednaści z rehłamientam čempijanatu pierad pačatkam sustrečy hulcy vyjšli na pole, trymajučy za ruku junych futbalistaŭ. Dzieci byli apranuty ŭ majki žoŭtaha, čyrvonaha i siniaha koleru, na jakija byŭ naniesieny partret Łukašenki z nadpisam «Naš prezident». Fatahrafii hetaj sumieščanaj z futbołam akcyi byli raźmieščany na sajcie
Artykuł 4.10 rehłamientu havoryć, što cyrymonija praviadzieńnia matču pavinna praduhledžvać «eskort hulcoŭ pradstaŭnikami
