Bilety na matč BATE — «Dynama» Kijeŭ pastupiać u prodaž u aŭtorak

Bilety na matč hrupavoha etapu futbolnaj Lihi Jeŭropy pamiž barysaŭskim BATE i kijeŭskim «Dynama» pastupiać u prodaž u aŭtorak, 23 listapada. Hulnia projdzie 2 śniežnia ŭ Minsku na stadyjonie «Dynama» (pačatak u 22:05).

A 14-j 23 listapada sinchronna adčyniacca kasy minskaha stadyjona «Dynama», barysaŭskaha haradskoha stadyjona i ofisa «ABFF-Padarožža». U nastupnyja dni kasy buduć pačynać pracu z 10.00. Kasy minskaha stadyjona «Dynama» buduć pracavać da 19.00, barysaŭskaha haradskoha stadyjona — da 18.00.

Košt kvitkoŭ budzie zaležać ad katehoryi. Kvitki pieršaj katehoryi (siektary — 1, 2, 13, 14, 28, 29) buduć kaštavać 30 tysiač rubloŭ, druhoj katehoryi (3, 4, 12, 15, 26, 27) — 20 tysiač i treciaj (05–11, 16–25) — 10 tysiač.

Siektar 10 zareziervavany dla zaŭziataraŭ kieiŭskaha «Dynama».

U kasach minskaha stadyjona «Dynama» buduć pradavacca kvitki na nastupnyja siektary: 11–27, a taksama 28 i 29 — ad 16 šerahu i vyšej;

U kasach barysaŭskaha haradskoha stadyjona buduć vystaŭleny na prodaž kvitki ŭ siektary 2–6, 1 (20 i vyšej).

PUP «ABFF-Padarožža» biare na siabie realizacyju biletaŭ u siektary 1 (šerahi 1–19), 7, 8, 28 (1–15), 29 (1–15).

Nahadajem, što BATE daterminova zavajavaŭ pucioŭku ŭ 1/16 finału Lihi Jeŭropy,

ale ŭ hetym matčy moža vyrašycca los pieršaha miesca ŭ hrupie, a značyć ci taja kamanda siejanaj pry losavańni plej-of.

Stanovišča kamandaŭ paśla 4-ch turaŭ: BATE — 10, Dynama — 7, Šeryf — 3, AZ — 3.

2 śniežnia ŭ Ciraspali taksama zhulajuć «Šeryf» i AZ.

U apošnim tury, 15 śniežnia, BATE zhulaje ŭ haściach z AZ, a «Dynama» doma z «Šeryfam».

nn.by pavodle fcbate.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0