Rasijski futboł piarojdzie na sistemu «vosień-viasna»
Siońnia ŭ maskoŭskim Domie futboła adbyłosia pasiadžeńnie vykankama Rasijskaha futbolnaha sajuza. Pa jaho vynikach prezident RFS Siarhiej Fursienka vystupiŭ pierad žurnalistami z zajavaj, zhodna ź jakim bolšaść členaŭ vykankama vykazałasia za pierachod čempijanatu Rasii na sistemu «vosień-viasna». Miarkujecca, što siezon 2011/2012 projdzie ŭ try koły.
Čempijanat 2012/13 startuje 1 žniŭnia i budzie doŭžycca da 20 maja ź zimovym pierapynkam z 15 listapada da 1 sakavika.
1 čałaviek prahałasavaŭ suprać, 1 ustrymaŭsia. Nie padtrymaŭ hetu inicyjatyvu prezident Prafiesijnaj futbolnaj lihi Mikałaj Tałstoj, paviedamlajeSport-Ekspriess. ***
Što da biełaruskaha čempijanatu, to pa sistemie «vosień-viasna» jon pravodziŭsia try siezony: 1992/92, 1993/94, 1994/1995, a potym było pierajści na sistemu «viasna-vosień», pakolki zimoj, u pierapynku pamiž pieršym i druhim kołami, adbyvałasia vialikaja ratacyja składaŭ kamandaŭ, a taksama ŭmovy nadvorja nie dazvalali pravodzić matčy ŭ kancy listapada i ŭ sakaviku, nie kažučy ŭžo pra zimu.
Pavodle sistemy «viasna-vosień» pravodziacca zaraz čempijanaty ŭ Isłandyi, Irłandyi (ale ŭ Paŭnočnaj Irłandyi — vosień-viasna), Narviehii, Šviecyi, Finlandyi, na Farerach, u Estonii, Łatvii i Litvie.
nn.by
Chočaš padzialicca važnaj infarmacyjaj
ananimna i kanfidencyjna?
Pišycie redaktaru
«Našaj Nivy» ŭ TH
