Hałoŭny trenier BATE: My adčuvajem vialikaje rasčaravańnie
«My adčuvajem vialikaje rasčaravańnie», — zajaviŭ hałoŭny trenier barysaŭskaha BATE Viktar Hančarenka paśla zaviaršeńnia matču ŭ adkaz3-ha kvalifikacyjnaha raunda Lihi čempijonaŭ suprać «Kapienhahiena».
Sustreča prajšła 4 žniŭnia ŭ stalicy Danii i zaviaršyłasia pieramohaj haspadaroŭ ź likam 3:2 (pieršaja sustreča — 0:0).
«Dumaju, hulnia spadabałasia ŭsim, chto na joj prysutničaŭ, — skazaŭ Hančarenka. — My razyhrali svojeasablivy futbolny tryler, dzie spačatku my prapuścili dva chutkija hały, a potym zmahli adyhracca. Na druhi tajm vychodzili z nadziejaj, što my zdolejem prajści ŭ nastupny raund. Na žal, nie atrymałasia».
Pavodle słoŭ Hančarenki, BATE mieŭ peŭnyja prablemy ŭ centry abarony, u suviazi z čym nie chapała chutkaha pierachodu ad abarony da ataki.
«U cełym, kali prybrać admoŭnyja emocyi, my praviali dobry matč», — zaŭvažyŭ hałoŭny trenier barysaŭskaha kłuba. Hulcam paśla zaviaršeńnia matču Hančarenka, pavodle jaho słoŭ, pakul ničoha nie skazaŭ.
