Zorki francuskaha futbołu doraha zapłaciać za seks z 17-hadovaj
Zorak francuskaha futbołu Franka Rybiery i Karyma Bienzema zatrymali dla dopytu pa spravie ab seksie ź niepaŭnaletniaj dziaŭčynaj-prastytutkaj.
Spravu zaviali paśla taho, jak žančyna zajaviła, što adrazu niekalki hulcoŭ nacyjanalnaj zbornaj Francyi mieli z prastytutkaj seks, kali jana była niepaŭnaletniaj. Praŭda, Zachija Dear sama ćvierdzić, što hulcy padčas seksu nie viedali, kolki joj hadoŭ. Dy heta nie zdymaje ź ich viny.
Pavodle franuzskich zakonaŭ, Bienzema i Rybiery pahražaje da troch hadoŭ turmy i štraf 45 tysiač jeŭra, kali sud pryznaje ich vinavatymi ŭ seksie ź niepaŭnaletniaj prastytutkaj.
Infarmacyja datyčyć samych viadomych hulcoŭ kamandy: Bienzema, Rybiery, Havu, Bien Arfa.
Futbalisty doŭhi čas ćvierdzili, što nie pierastupali parohu «Zeman-kafe» — baru, dzie adbyvalisia sustrečy z prastytutkami. Francuzskaja presa adrazu ŭspomniła, što futbalisty — nie anioły. Dva hodu tamu Havu byŭ aryštavany za kiravańnie mašynaj u niećviarozym stanie. Noč jon pravioŭ u kamiery, a potym publična paprasiŭ prabačeńnia ŭ kłuba i zaŭziataraŭ.
Hetaja infarmacyja ŭspłyła padčas rasśledavańnia spravy pra suteniorstva ŭ papularnym siarod futbalistaŭ načnym kłubie ŭ rajonie Jelisiejskich paloŭ. Paryžskaja palicyja vyjaviła, što siarod klijentaŭ byli hulcy futbolnaj zbornaj Francyi. Tady ž i vyśvietliłasia, što adna z žančyn, jakija pracujuć u kłubie, była niepaŭnaletniaj.
Za seks ź niapoŭnahadovymi ŭ Francyi praduhledžanaje pakarańnie tryma hadami turmy i štrafam u pamiery 45 tysiač jeŭra.
Spravaj zajmajecca prakuratura. Paśla paskudnaha vystupu i chamskich pavodzinaŭ futbalistaŭ na mundyjali hramadskaja dumka da ich biaźlitasnaja.
