Los skanfiskanaha tyraža «NN». Reakcyja nieadekvatnaja
Uražvaje iniercyjnaść myśleńnia rabotnikaŭ tajamničaha orhana, adkaznaha za zabaronu.
Uražvaje iniercyjnaść myśleńnia rabotnikaŭ tajamničaha orhana, adkaznaha za zabaronu.
Los 3485 asobnikaŭ, jakija «NN» štotydzień adhružaje «sajuzdrukam», zastajecca niavyśvietlenym. Redakcyja skiravała adpaviedny zvarot u Hienieralnuju prakuraturu i Ministerstva infarmacyi. Nie vyklučana, što daviadziecca źviartacca i ŭ Haspadarčy sud, bo paniesienyja materyjalnyja straty.
Samaje cikavaje pačniecca, kali «sajuzdruki» dašluć u Redakcyju ličby śpisańnia źnikłaha numaru. Kali śpisańnie za miesiac budzie niepraparcyjna vialikim, heta budzie značyć, što «sajuzdruki» niehałosna raśpisvajucca ŭ zatrymańni numaru. Kali ž śpisańnie budzie zvyčajnym, redakcyja musić atrymać ad «sajuzdrukaŭ» hrošy za «pradadzieny» numar. Takaja sabie forma dziaržaŭnaj datacyi niezaležnaj presie — pieršaj za 15 hadoŭ.
Viadoma, nie čynoŭniki «sajuzdrukaŭ» prymali rašeńnie nie puskać u prodaž hazietu ź infarmacyjaj pra «Chrosnaha Baćku». Jany byli tolki vykanaŭcami.
Uražvaje iniercyjnaść myśleńnia rabotnikaŭ tajamničaha orhana, adkaznaha za zabaronu. Užo chto-chto, a čytačy «NN» vydatna razumiejuć sutnaść biełaruska-rasijskaha kanfliktu apošniaha času i rolu ŭ im rasijskich ŚMI. Jakija 15 hadoŭ maŭčali, a tut raptam zahavaryli praŭdu. Čytač «NN» ničoha novaha z taho filma pra Łukašenku nie daznaŭsia. Siužetam hazietnaha analizu byŭ sam vychad filma na hazpromaŭskim kanale. №25 haziety davaŭ infarmacyju i analiz padziej minułaha tydnia, jak davała b jaho lubaja narmalnaja hazieta ŭ svabodnaj krainie.
Kanfiskacyja tyražu «NN» stała, aproč inšaha, prajavaj nieadekvatnaści reakcyi aŭtarytarnaha režymu na tyja vykliki, jakija pierad im paŭstajuć.
Biełaruskaje hramadstva zastajecca pad rasijskim infarmacyjnym upłyvam, jaki farmuje hramadskuju dumku pa asnoŭnych pytańniach. Ekanomika zastajecca zaležnaju ad rasijskaj syraviny. A łukašenkaŭcy vyrašajuć prablemy, zatykajučy rot niezaležnym biełaruskim ŚMI.
Myśleńnie ŭ takim klučy robić dyjałoh ułady z hramadstvam niemahčymym.
Što da našych čytačoŭ, to vypadak z №25 nahadaŭ nam usim: samy nadziejny sposab atrymańnia «NN» — heta padpiska praz Redakcyju.
